അപകടത്തിൽ മരിച്ച സുഹൃത്തിന്റെ വീട്ടിലെത്തി മടങ്ങുന്നതിനിടെ അപകടം; 55കാരൻ മരിച്ചു 

കൊല്ലം: ദേശീയപാതയിൽ നീണ്ടകര പാലത്തിന് സമീപം ലോറി സ്കൂട്ടറിലിടിച്ചു ഗൃഹനാഥൻ മരിച്ചു. തങ്കശ്ശേരി ബഥനി ഹൗസ് രാജൻ പയസ്സ് (55) ആണ് മരിച്ചത്. ശനിയാഴ്ച രാത്രി 10.30 ഓടെയായിരുന്നു അപകടം.

തമിഴ്നാട്ടിൽ അപകടത്തിൽ മരിച്ച ഉറ്റ സുഹൃത്ത് നീണ്ടകര സ്വദേശി സക്കറിയ ഫെലിക്സിന്റെ വീട്ടിലെത്തി മടങ്ങുന്നതിനിടെയാണ് അപകടം. നീണ്ടകര പോർട്ട് റോഡിൽ നിന്ന് ദേശീയപാതയിലേക്ക് കടക്കവേ കൊല്ലത്തേക്ക് പോകുകയായിരുന്ന ലോറി രാജൻ സഞ്ചരിച്ച സ്കൂട്ടറിൽ ഇടിക്കുകയായിരുന്നു.

ലോറിക്കടിയിൽപെട്ട രാജൻ സംഭവ സ്ഥലത്തു വെച്ചു തന്നെ മരിച്ചു. മൃതദേഹം ജില്ലാ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മത്സ്യത്തൊഴിലാളിയായിരുന്നു രാജൻ. ഭാര്യ: മിനി, മക്കൾ: വർഷ, റോഹൻ.

ഈ വാര്‍ത്ത കൂടി വായിക്കൂ  

പാന്റ്‌സിലും അടി വസ്ത്രത്തിലും വച്ച് കടത്താന്‍ ശ്രമം; നെടുമ്പാശ്ശേരിയില്‍ ഒരു കിലോ സ്വര്‍ണം പിടികൂടി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ