ശബരിമല തീർഥാടകർ സഞ്ചരിച്ച ബസ് നിയന്ത്രണംവിട്ട് മറിഞ്ഞു; ഒരാൾക്ക് ദാരുണാന്ത്യം, 42 പേർക്ക് പരിക്ക്

കാസർക്കോട്: ശബരിമല ദർശനം കഴിഞ്ഞ് അയ്യപ്പ ഭക്തർ മടങ്ങിയ ബസ് നിയന്ത്രണം വിട്ട് മറിഞ്ഞു ഒരു തീർഥാടകന് ദാരുണാന്ത്യം. ഹരീഷ് (36) ആണ് മരിച്ചത്. അപകടത്തിൽ 42 പേർക്ക് പരിക്കേറ്റു.

ചിറ്റാരിക്കാൽ മലയോര ഹൈവേയിലെ കാറ്റാംകവലയിലാണ് അപകടമുണ്ടായത്. മൈസൂരുവിനു സമീപമുള്ള ചുഞ്ചു​ഗട്ട സാലി​ഗ്രാമത്തിൽ നിന്നുള്ള അയ്യപ്പൻമാർ സഞ്ചരിച്ച ബസാണ് മറിഞ്ഞത്.

പരിക്കേറ്റ 33 പേരെ ചെറുപുഴ സെന്റ് സെബാസ്റ്റ്യൻസ് ആശുപത്രിയിലും മൂന്ന് പേരെ ചെറുപുഴ ലീഡേഴ്സ് ആശുപത്രിയിലും നാല് പേരെ പരിയാരം മെഡിക്കൽ കോളജിലും രണ്ട് പേരെ പയ്യന്നൂർ ബേബി മെമ്മോറിയൽ ആശുപത്രിയിലും പ്രവേശിപ്പിച്ചു.