തിരുവനന്തപുരം: കേരള സ്‌കൂള്‍ കലോത്സവത്തില്‍ അറബിക്, സംസ്‌കൃത കലോത്സവങ്ങളിലും ജനറല്‍ വിഭാഗത്തിലുമായി ആകെ മത്സരിക്കാവുന്ന ഇനങ്ങളുടെ എണ്ണം 5 ആയി കുറച്ച് പൊതുവിദ്യാഭ്യാസ വകുപ്പ് ഉത്തരവ്. 3 വ്യക്തിഗത ഇനങ്ങളിലും 2 ഗ്രൂപ്പ് ഇനങ്ങളിലുമാണ് ഒരു വിദ്യാര്‍ത്ഥിക്ക് മത്സരിക്കാവുന്നത് എന്നാണു ചട്ടം.

അറബിക്, സംസ്‌കൃത കലോത്സവങ്ങള്‍ സ്‌കൂള്‍ കലോത്സവത്തിന് ഒപ്പമാണ് നടന്നിരുന്നതെങ്കിലും ഇതു മറ്റൊരു വിഭാഗമായാണ് മുന്‍പ് റജിസ്റ്റര്‍ ചെയ്തിരുന്നത്. ഈ വിഭാഗങ്ങളില്‍ 5 ഇനങ്ങളിലും പങ്കെടുക്കുന്ന കുട്ടികള്‍ക്കും ജനറല്‍ വിഭാഗത്തില്‍ 3 വ്യക്തിഗത ഇനങ്ങളിലും 2 ഗ്രൂപ്പ് ഇനങ്ങളിലും പങ്കെടുക്കാന്‍ അനുമതിയുണ്ടായിരുന്നു. 

എന്നാല്‍, അറബിക്, സംസ്‌കൃത മത്സരയിനങ്ങള്‍ പ്രത്യേകം പരിഗണിക്കേണ്ടതില്ല എന്നും അതനുസരിച്ച് സോഫ്റ്റ്വെയറില്‍ മാറ്റം വരുത്തണമെന്നുമാണ് പുതിയ നിര്‍ദേശം.

ഈ വാര്‍ത്ത കൂടി വായിക്കൂ ചോരപുരണ്ട കത്തിയും ചുറ്റികയും കഴുകി ബാഗില്‍ വച്ചു, കുളിച്ച് ഹോട്ടലിൽ ജോലിക്കെത്തി; കുരുക്കായത് ഫോണിലൂടെ കേട്ട വിഷ്ണുപ്രിയയുടെ നിലവിളി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ