തൃശൂര്‍: നിയമസഭാ തെരഞ്ഞെടുപ്പില്‍ ഒറ്റയ്ക്ക് മത്സരിക്കുമെന്ന് എസ്ഡിപിഐ. കേരളത്തില്‍ പരമാവധി മണ്ഡലങ്ങളിലാണ് മത്സരിക്കാന്‍ ഉദ്ദേശിക്കുന്നത്. സംസ്ഥാനത്ത് നടക്കുന്നത വര്‍ഗീയ ധ്രുവീകരണമാണെന്നും എസ്ഡിപിഐ ദേശീയ അധ്യക്ഷന്‍ ഖാദര്‍ മൊയ്തീന്‍ പറഞ്ഞു.

നിയമസഭാ തെരഞ്ഞെടുപ്പിനോടനുബന്ധിച്ച് തൃശൂരില്‍ ചേര്‍ന്ന പാര്‍ട്ടി സംസ്ഥാന സമിതിയോഗമാണ് തെരഞ്ഞെടുപ്പില്‍ ഒറ്റയ്ക്ക് മത്സരിക്കാനുള്ള തീരുമാനം കൈക്കൊണ്ടത്. ഇരുമുന്നണികളുമായി സഖ്യമുണ്ടാക്കേണ്ടതില്ലെന്ന് യോഗത്തില്‍ ഭൂരിപക്ഷം പേരും അഭിപ്രായപ്പെട്ടു. സംസ്ഥാനത്ത് വര്‍ഗീയ ധ്രുവീകരണം നടത്തി വോട്ട് ഉറപ്പിക്കാനാണ് ഇരുമുന്നണികളും ശ്രമിക്കുന്നതെന്നും സംസ്ഥാന സമിതി വിലയിരുത്തി.