'പറയേണ്ട കാര്യം പറയാതെ പോകാന്‍ പറ്റില്ല'; അങ്ങനെയാണോ സംസാരിക്കുക? ക്ഷോഭിച്ച് സ്പീക്കര്‍

തിരുവനന്തപുരം: നിയമസഭയില്‍ ഭരണപക്ഷാംഗം പി പി ചിത്തരഞ്ജന്‍ എംഎല്‍എയോട് ക്ഷോഭിച്ച് സ്പീക്കര്‍ എ എന്‍ ഷംസീര്‍. ചോദ്യം വലിച്ചു നീട്ടിയതാണ് സ്പീക്കറെ ചൊടിപ്പിച്ചത്. ചെയറിനോട് വിനയത്തോടെ പെരുമാറണമെന്ന് സ്പീക്കര്‍ ഓര്‍മിപ്പിച്ചു.

നിയമസഭയുടെ ചോദ്യോത്തരവേളയില്‍ ചോദ്യം വലിച്ചു നീട്ടി വ്യവസായ രംഗത്തെ നേട്ടങ്ങളെക്കുറിച്ച് പറഞ്ഞു തുടങ്ങിയപ്പോഴാണ് സ്പീക്കര്‍ക്ക് ഓര്‍മിപ്പിക്കേണ്ടി വന്നത്. 'പറയേണ്ട കാര്യം പറയാതെ പോകാന്‍ പറ്റില്ല' എന്ന് ചിത്തരഞ്ജന്‍ എംഎല്‍എ പറഞ്ഞു. 'അങ്ങനെ പറഞ്ഞാല്‍ ചോദ്യത്തിന്റെ സമയം പോകും. പറയാതെ ഒക്കില്ലെന്ന് എങ്ങനെയാണ് പറയാ? അങ്ങനെയാണോ സംസാരിക്കുന്നതെന്ന് സ്പീക്കര്‍ തിരിച്ച് ക്ഷോഭത്തോടെ ചോദിച്ചു.

വിദ്യാഭ്യാസ മന്ത്രിക്കെതിരേ നടന്ന അധിക്ഷേപത്തെ ഒരു വാക്കുപറയാതെ പോകാന്‍ കഴിയില്ല. അതുകൊണ്ടാണ് പറയുന്നതെന്ന് ചിത്തരഞ്ജന്‍ തിരിച്ചു പറഞ്ഞു. അത് ചോദ്യത്തില്‍ അല്ല പറയേണ്ടത് എന്ന് സ്പീക്കര്‍ ഓര്‍മിപ്പിച്ചു.