യുവതിയെ ഭർതൃ വീട്ടിൽ തൂങ്ങി മരിച്ച നിലയിൽ കണ്ടെത്തി

ആലപ്പുഴ: യുവതിയെ ഭർത്താവിന്റെ വീട്ടിൽ മരിച്ച നിലയിൽ കണ്ടെത്തി. ഹരിപ്പാട് തുലാംപറമ്പ് നടുവത്തുംമുറിയിൽ കോട്ടയ്ക്കകത്ത് വിജയ വീട്ടിൽ ബിനുവിന്റെ മകൾ അഞ്ജുവിനെയാണ് (മാളു-27) ശനിയാഴ്ച രാവിലെ ഭർതൃ ഗൃഹത്തിലെ കിടപ്പു മുറിയിൽ തൂങ്ങി മരിച്ച നിലയിൽ കണ്ടെത്തിയത്. 

ഒറ്റയ്ക്ക് കിടന്നുറങ്ങിയ അഞ്ജു രാവിലെ മുറി തുറക്കാത്തതിനെ തുടർന്ന് ഭർത്താവിന്റെ വീട്ടുകാർ സമീപത്തുള്ള വീട്ടിൽ നിന്നു അഞ്ജുവിന്റെ ബന്ധുക്കളെ വരുത്തി ജനാല തുറന്ന് നോക്കിയപ്പോഴാണ് മൃതദേഹം കണ്ടെത്തിയത്. ഭർത്താവ് ഹരീഷ് ത്രിപുര റൈഫിൾസിൽ ജോലി ചെയ്യുകയാണ്. 

ഹരിപ്പാട് പൊലീസ് എത്തി നടപടികൾ സ്വീകരിച്ചു. മൃതദേഹം കൊവിഡ് പരിശോധനയ്ക്ക് ശേഷം വണ്ടാനം മെഡിക്കൽ കോളജ് ആശുപത്രിയിൽ പോസ്റ്റ്മോർട്ടം നടത്തി ബന്ധുക്കൾക്ക് വിട്ടുനൽകി.