തൂക്കം ഒന്നരക്കിലോ; അടിമാലിയില്‍ ആനക്കൊമ്പുമായി രണ്ടുപേര്‍ പിടിയില്‍

തൊടുപുഴ:  ഇടുക്കി അടിമാലിയില്‍ ആനക്കൊമ്പുകളുമായി രണ്ടുപേര്‍ പിടിയില്‍. ഇളമ്പിലാശേരി സ്വദേശി പുരുഷേത്തമന്‍, കുറത്തിക്കുടി സ്വദേശി ബിജു എന്നിവരാണ് വനം വകുപ്പിന്റെ പിടിയിലായത്.

പിടികൂടിയ ആനക്കൊമ്പിന് ഒന്നരക്കിലോ തൂക്കമുണ്ട്. പിടിയിലായവര്‍ രണ്ടുപേരും ആദിവാസി വിഭാഗത്തില്‍പ്പെട്ടവരാണ്. ആനക്കൊമ്പ് കച്ചവടം നടത്താനുള്ള ശ്രമത്തിനിടെയാണ് ഇവര്‍ വനംവകുപ്പിന്റെ പിടിയിലായത്. 

വനം വകുപ്പ് ഇന്റലിജന്‍സിന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് രണ്ടുപേരും പിടിയിലായത്. സംഘത്തില്‍ രണ്ടുപേര്‍ കൂടിയുണ്ടെന്നാണ് വനം വകുപ്പിന് ലഭിച്ച വിവരം. അവരെ പിടികൂടാനുള്ള ശ്രമത്തിലാണ് വനം വകുപ്പ്.

ഈ വാര്‍ത്ത കൂടി വായിക്കൂ 

അഞ്ച് പതിറ്റാണ്ടത്തെ കര്‍മഭൂമി; കാനത്തിന് തലസ്ഥാനത്തിന്റെ വിട; വിലാപയാത്ര ജന്മനാട്ടിലേക്ക്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ