ആലപ്പുഴ: ആലപ്പുഴ ചേർത്തലയിൽ വാഹനാപകടത്തിൽ രണ്ട് യുവാക്കൾ മരിച്ചു. തൈക്കാട്ടുശ്ശേരി മാക്കേക്കവലയിലാണ് അപകടമുണ്ടായത്. ബൈക്ക് യാത്രക്കാരായ രണ്ട് യുവാക്കളാണ് മരിച്ചത്. ഒരാൾ പരിക്കേറ്റ് ​ഗുരുതരാവസ്ഥയിലാണ്. 

ഇന്ന് രാവിലെ 10.30യോടെയാണ് അപകടം നടന്നത്. പള്ളിപ്പുറം സ്വദേശി ബാബുവിൻ്റെ മകൻ വിസ്മൽ ബാബു (24), പ്രമോദിൻ്റെ മകൻ പ്രണവ് (23) എന്നിവരാണ് മരിച്ചത്. പ്രണവ് പ്രകാശിനാണ് ​ഗുരുതരമായി പരിക്കേറ്റത്. ഇവർ സഞ്ചരിച്ചിരുന്ന ബൈക്കിൽ മറ്റൊരു വാഹനം തട്ടി നിയന്ത്രണം വിട്ട് സ്വാകാര്യ ബസിന്റെ അടിയിൽപ്പെടുകയായിരുന്നെന്നാണ് നാട്ടുകാർ പറയുന്നത്. 

ഈ വാർത്ത കൂടി വായിക്കൂ

പൊലീസിനെ കണ്ട് ഭയന്നോടി; യുവാവ് കിണറ്റില്‍ വീണ് മരിച്ചു

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ