മരക്കൊമ്പ് മുറിക്കുന്നതിനിടെ കടന്നൽ കുത്തി; കണ്ണൂരിൽ ചികിത്സയിലിരുന്ന 65കാരൻ മരിച്ചു

കണ്ണൂർ: കടന്നൽക്കുത്തേറ്റ് ചികിത്സയിലായിരുന്നയാൾ മരിച്ചു. പയ്യാവൂർ മുത്താറിക്കുളം പുളിമൂട്ടിൽ ശശി (65)യാണ് മരിച്ചത്.

ശനിയാഴ്ചയാണ് ശശിക്ക് കടന്നൽക്കുത്തേറ്റത്. മരത്തിൽ കയറി കൊമ്പ് വെട്ടുമ്പോൾ കടന്നൽക്കൂട് ഇളകി ശശിയെ കുത്തുകയായിരുന്നു.

ഉടൻ തന്നെ നാട്ടുകാർ പയ്യാവൂരിലെ സ്വകാര്യ ആശുപത്രിയിലെത്തിച്ചു. എന്നാൽ ആരോ​ഗ്യ സ്ഥിതി ഗുരുതരമായതിനെ തുടർന്ന് ശശിയെ പരിയാരം മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

ഭാര്യ : സുഭദ്ര (ഇസ്രായേൽ). മക്കൾ: സുമേഷ്, സുമിത. മരുമക്കൾ: രമ്യ, അശോകൻ (ഖത്തർ).