പത്തനംതിട്ട: മല്ലപ്പള്ളിയിൽ വീട്ടമ്മയെ കെട്ടിയിട്ട് അലമാരയിൽ നിന്നും സ്വർണം കവർന്ന സംഭവത്തിൽ ദുരൂഹത. വായ്‌പൂർ സ്വദേശി അച്യുതന്റെ ഭാര്യ ഷീലയെ കള്ളന്മാർ കസേരയിൽ കെട്ടിയിട്ട ശേഷം സ്വർണം കവർന്നു എന്നാണ് പരാതി. ചൊവ്വാഴ്‌ച ഉച്ചയോടെയായിരുന്നു സംഭവം.

പുറത്തുപോയി വന്ന അച്യുതൻ തിരിച്ചു വരുമ്പോൾ ഭാര്യയെ ബന്ധിച്ച നിലയിലായിരുന്നു. ഇവരുടെ മുഖത്ത് മുളകു‌ പൊടിയും വിതറിയിരുന്നതായി പൊലീസ് അറിയിച്ചു.

തുടർന്ന് ഷീലയെ വൈദ്യ പരിശോധനയ്‌ക്ക് മല്ലപ്പള്ളി താലൂക്ക് ആശുപത്രിയിൽ എത്തിച്ചു. വിരലടയാള വിദ​ഗ്ധരും സ്ഥലത്തെത്തി പരിശോധിച്ചു. എന്നാൽ വീട്ടുകരുടെ മൊഴിയിൽ സംശയമുള്ളതായി പെരുമ്പെട്ടി പൊലീസ് പറയുന്നു. സംഭവത്തിൽ അന്വേഷണം ആരംഭിച്ചു.

ഈ വാര്‍ത്ത കൂടി വായിക്കൂ 

സംസ്ഥാനത്ത് ഇന്നും നാളെയും ഇടിമിന്നലോട് കൂടിയ മഴ, 40 കിലോമീറ്റര്‍ വേഗത്തില്‍ കാറ്റ്; കടലാക്രമണത്തിന് സാധ്യത

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ