വടി കൊണ്ട് തല്ലിച്ചതച്ചു; വളർത്തു നായക്ക് യുവാവിന്റെ ക്രൂര മർദ്ദനം; കേസ്

തൃശൂർ: വളർത്തു നായയെ ക്രൂരമായി മർദ്ദിച്ച സംഭവത്തിൽ യുവാവിനെതിരെ കേസ്. തൃശൂർ വരടിയത്താണ് സംഭവം. നായയെ യുവാവ് ക്രൂരമായി ആക്രമിക്കുന്ന ദൃശ്യങ്ങൾ പുറത്തു വന്നു. 

വീട്ടുടമ സുരേഷ്, നായയെ ആക്രമിക്കുന്ന ദൃശ്യങ്ങളാണ് പുറത്തുവന്നത്. നായയെ വടി കൊണ്ട് അടിക്കുന്നത്‌ വീഡിയോയിൽ കാണാം. 

മദ്യപിച്ചെത്തുമ്പോഴും കുടുംബാംഗങ്ങളോട്‌ വഴക്ക് കൂടുമ്പോഴും സുരേഷ് നായയെ ക്രൂരമായി മർദ്ദിക്കാറുണ്ടെന്ന് അയൽവാസികൾ പറയുന്നു. സംഭവത്തിൽ സുരേഷിനെതിരെ പേരാമംഗലം പൊലീസാണ് കേസെടുത്തത്.