യൂത്ത് കോൺ​ഗ്രസിന്റെ രാത്രി പ്രതിഷേധത്തിന് നേരെ ജലപീരങ്കി;  പൊലീസ് വാ​ഹനത്തിൽ കൊടിനാട്ടി

കണ്ണൂർ: യൂത്ത്​ കോൺഗ്രസ്​ പ്രവർത്തകർ കണ്ണൂർ കലക്​ടറേറ്റിലേക്ക്​ നടത്തിയ മാർച്ചിൽ സംഘർഷം. തുടർന്ന് പ്രതിഷേധ നൈറ്റിന് നേരെ പൊലീസ് ജലപീരങ്കി പ്രയോ​ഗിച്ചു. വ്യാഴാഴ്​ച രാത്രി എട്ടരയോടെ പന്തംകൊളുത്തി പ്രകടനവുമായെത്തിയ പ്രവർത്തകരെ കലക്​ടറേറ്റ്​ ഗേറ്റിൽ പൊലീസ്​ തടയുകയായിരുന്നു.

ഗേറ്റ്​ തള്ളിമറിക്കാൻ ശ്രമിച്ച പ്രവർത്തകർക്ക്​ നേരെ രണ്ടുതവണ പൊലീസ്​ ജലപീരങ്കി പ്രയോഗിച്ചു. പ്രകോപിതരായ പ്രവർത്തകർ പൊലീസിന്​ നേരെ വടിയെറിഞ്ഞു. പൊലീസ്​ വാഹനത്തിൽ യൂത്ത്​ കോൺഗ്രസ്​ കൊടിനാട്ടി.

നേതാക്കൾ ഇടപെട്ടതിനെ തുടർന്ന്​ ഒമ്പതോടെ പ്രവർത്തകർ പിരിഞ്ഞുപോയി. പി.എസ്​.സി ഉദ്യോഗാർഥികൾക്കും യൂത്ത്​ കോൺഗ്രസ്​ സംസ്ഥാന നേതാക്കൾ നടത്തുന്ന സമരത്തിനും ഐക്യദാർഢ്യം പ്രഖ്യാപിച്ചാണ്​ മാർച്ച്​ നടത്തിയത്