കോവിഡ്‌ ബാധിച്ച്‌ തിരൂർ സ്വദേശി ജിദ്ദയിൽ മരിച്ചു

മലപ്പുറം  : കോവിഡ് ബാധിച്ച് ഒരു മലയാളി കൂടി ​ഗൾഫിൽ മരിച്ചു.  മലപ്പുറം തിരൂർ ചെമ്പ്ര ചെറിയേടത്ത് ഹുസൈൻ ആണ് സൗദിയിലെ  ജിദ്ദയിൽ മരിച്ചത്‌. 61 വയസ്സായിരുന്നു.

ജിദ്ദ സൂഖുൽ ഗുറാബിൽ അമൂദി ഇലക്ട്രിക്കൽസിൽ ജോലിചെയ്തിരുന്ന  ഹുസൈനെ  കടുത്ത പനിയും ശ്വാസതടസ്സവും ബാധിച്ച്  ജൂൺ രണ്ടിനാണ് ജിദ്ദ കിംഗ് ഫഹദ് ആശുപത്രിയിൽ പ്രവേശിപ്പിച്ചത്. പരിശോധനയിൽ കോവിഡ് സ്ഥിരീകരിച്ചു.

പാലക്കൽ ബീക്കുട്ടിയാണ് ഉമ്മ, ഭാര്യ: സുലൈഖ. കോവിഡ്‌ പ്രോട്ടോകോൾ പാലിച്ച്‌ മൃതദേഹം സൗദിയിൽ മറവ്‌ ചെയ്യും.