നാളെ ഹര്‍ത്താല്‍; രാവിലെ ആറു മുതല്‍ വൈകിട്ട് ആറു വരെ

തിരുവനന്തപുരം; പൗരത്വ ഭേദഗതി നിയമത്തിനെതിരേ സംയുക്ത സമിതിയുടെ നേതൃത്വത്തില്‍ നാളെ ആഹ്വാനം ചെയ്തിരിക്കുന്ന ഹര്‍ത്താല്‍ രാവിലെ ആറു മണി മതുല്‍ വൈകിട്ട് ആറു വരെയായിരിക്കുമെന്ന് വെല്‍ഫെയല്‍ പാര്‍ട്ടി സംസ്ഥാന പ്രസിഡന്റ് ഹമീദ് വാണിയമ്പലം അറിയിച്ചു. 

എസ്ഡിപിഐ, ബിഎസ്പി, തുടങ്ങിയ മുപ്പതില്‍ അധികം സംഘടനകള്‍ ചേര്‍ന്നാണ് ഹര്‍ത്താലിന് ആഹ്വാനം ചെയ്തിരിക്കുന്നത്. ശബരിമല ഉള്‍പ്പെടുന്ന റാന്നി താലൂക്കിനെ ഹര്‍ത്താലില്‍ നിന്ന് ഒഴിവാക്കി. കൂടാതെ ശബരിമല തീര്‍ത്ഥാടകര്‍ക്കും അവര്‍ സഞ്ചരിക്കുന്ന വാഹനങ്ങള്‍ക്കും ബുദ്ധിമുട്ടുണ്ടാകാതെയായിരിക്കും ഹര്‍ത്താല്‍ നടത്തുക. 

എന്നാല്‍ നാളെ നടത്തുന്ന ഹര്‍ത്താല്‍ നിയമവിരുദ്ധമാണെന്നും നടത്തിയാല്‍ കര്‍ശന നടപടിയുണ്ടാകുമെന്നും പൊലീസ് വ്യക്തമാക്കി. ഹൈക്കോടതി ഉത്തരവ് പ്രകാരം ഏഴു ദിവസം മുന്‍പ് ഹര്‍ത്താലിന് നോട്ടീസ് നല്‍കണം ഇത് ലഭിച്ചിട്ടില്ലെന്നാണ് പൊലീസ് പറയുന്നത്. പ്രമുഖ മുസ്ലിം സംഘടനകളെല്ലാം ഈ ഹര്‍ത്താലിന് പിന്തുണയില്ലെന്ന് അറിയിച്ചിട്ടുണ്ട്. ഹര്‍ത്താലുമായി സഹകരിക്കില്ലെന്ന് കേരള വ്യാപാരി വ്യവസായി അസോസിയേഷനും വ്യക്തമാക്കി. സിപിഎമ്മും ഹര്‍ത്താലിന് എതിരാണ്.