ബഹ്‌റൈനിൽ കർശന പരിശോധന; കഴിഞ്ഞ വർഷം പതിനായിരം പ്രവാസികളെ നാട് കടത്തി

മനാമ: രാജ്യത്ത് കഴിഞ്ഞ ഒരു വർഷത്തിനിടെ അനധികൃതമായി കുടിയേറിയ പ​തി​നാ​യി​ര​ത്തോ​ളം ആളുകളെ നാ​ടു​ക​ട​ത്തിയതായി ബഹ്‌റൈൻ. ക​ഴി​ഞ്ഞ​വ​ർ​ഷം രാ​ജ്യ​ത്തു​ട​നീ​ളം ന​ട​ത്തി​യ പ​രി​ശോ​ധ​ന​കളുടെ കണക്കും ലേ​ബ​ർ മാ​ർ​ക്ക​റ്റ് റെ​ഗു​ലേ​റ്റ​റി അ​തോ​റി​റ്റി (എ​ൽ എം ആ​ർ എ) പുറത്തിറക്കി. വരും ദിവസങ്ങളിലും ശക്തമായ പരിശോധന നടത്തുമെന്നും നിയമലംഘകർക്കെതിരെ കർശന നിയമ നടപടികൾ സ്വീകരിക്കുമെന്നും അധികൃതർ വ്യക്തമാക്കി.

ക​ഴി​ഞ്ഞ​വ​ർ​ഷം 82,941 പ​രി​ശോ​ധ​ന​ക​ളും 1,172 സം​യു​ക്ത ക്യാമ്പയി​നു​ക​ളും ന​ട​ത്തി. ഇ​തി​ലൂടെ 3,245 നി​യ​മ​ലം​ഘ​ന​ങ്ങ​ൾ ക​ണ്ടെ​ത്തു​ക​യും 9,873 തൊ​ഴി​ലാ​ളി​ക​ളെ നാ​ടു​ക​ട​ത്തു​ക​യും ചെ​യ്തു. ഈ വർഷം ജൂ​ൺ 29 മു​ത​ൽ ജൂ​ലൈ 12 വ​രെ മാ​ത്രം ന​ട​ത്തി​യ പ​രി​ശോ​ധ​ന​ക​ളി​ൽ നിയമം ലംഘിച്ച 19 തൊ​ഴി​ലാ​ളി​ക​ളെ അ​റ​സ്റ്റ് ചെ​യ്യു​ക​യും അനധികൃതമായി കുടിയേയേറിയ 242 പ്ര​വാ​സി​ക​ളെ നാ​ടു​ക​ട​ത്തു​ക​യും ചെയ്തതായി ഉദ്യോഗസ്ഥർ അറിയിച്ചു.

നി​യ​മ​ലം​ഘ​ന​ങ്ങ​ളും അ​ന​ധി​കൃ​ത കു​ടി​യേ​റ്റ​ങ്ങ​ളും ശ്ര​ദ്ധ​യി​ൽപ്പെ​ട്ടാല്‍ ​www.lmra.gov.bh എ​ന്ന വെ​ബ്‌​സൈ​റ്റ് വ​ഴി​യോ 17506055 എ​ന്ന നമ്പറിലൂടെയോ വിവരമറിയിക്കണമെന്ന് ഉദ്യോഗസ്ഥർ അഭ്യർത്ഥിച്ചു.

ബ​ഹ്‌​റൈൻ സ്വദേശികൾക്ക് തൊ​ഴി​ല​വ​സ​ര​ങ്ങ​ൾ ന​ൽ​കി തൊ​ഴി​ലി​ല്ലാ​യ്മ നിരക്ക് കു​റ​ക്കു​ന്ന​തി​ന്റെ ഭാഗമായി ആണ് ഈ പരിശോധനകൾ എന്നാണ് റിപ്പോർട്ടുകൾ. എന്നാൽ ടൂ​റി​സ്റ്റ് വി​സ​ക​ളു​ടെ ദു​രു​പ​യോ​ഗം ത​ട​യാ​നും തൊ​ഴി​ലു​ട​മ​ക​ൾ ന​ൽ​കു​ന്ന വ​ർ​ക്ക് പെ​ർ​മി​റ്റു​ക​ൾ കൃത്യമായി ഉപയോഗിക്കുണ്ടോ എന്ന് പരിശോധിക്കാനുമാണ് നടപടികളെന്ന് അധികൃതർ വിശദീകരിക്കുന്നു. പരിശോധനകൾ ശക്തമാക്കിയതോടെ ടൂറിസ്ററ് വി​സ​ക​ൾ വ​ർ​ക്ക് പെ​ർ​മി​റ്റു​ക​ളാ​ക്കി മാ​റ്റു​ന്ന​ത് 87 ശ​ത​മാ​ന​ത്തി​ല​ധി​കം കുറഞ്ഞതായും അധികൃതർ വ്യക്തമാക്കി.