98,000 സോളാർ പാനലുകൾ 13,780 വീ​ടു​ക​ൾ​ക്ക്​ വൈദ്യുതി ഷാർജയിൽ കൂറ്റൻ സൗ​രോ​ർ​ജ പ്ലാ​ന്‍റ് പ്രവർത്തനമാരംഭിച്ചു

ഷാർജ : യുഎയിലെ​ ഏ​റ്റ​വും വലിയ സൗ​രോ​ർ​ജ പ്ലാ​ന്‍റ്​ പ്ര​വ​ർ​ത്ത​ന​മാ​രം​ഭി​ച്ചു. ‘സ​ന’ എന്ന് പേരിട്ട പ്ലാന്റ് ശൈ​ഖ്​ സു​ൽ​ത്താ​ൻ ബി​ൻ അ​ഹ്മ​ദ്​ അ​ൽ ഖാ​സി നാടിന് ​ സ​മ​ർ​പ്പി​ച്ചു. 8,50,000 ച​തു​ര​ശ്ര മീ​റ്റ​റി​ൽ സ​ജാ ഗ്യാ​സ് കോം​പ്ല​ക്സി​ൽ നിർമ്മിച്ചി​രി​ക്കു​ന്ന പ്ലാ​ന്‍റി​ന്​ 60 മെ​ഗാ​വാ​ട്ട് വൈ​ദ്യു​തി ഉ​ൽ​പാ​ദ​ന ശേഷിയുള്ളതായി അധികൃതർ പറഞ്ഞു.

13,780 വീ​ടു​ക​ൾ​ക്ക്​ ​ ആ​വ​ശ്യ​മാ​യ വൈ​ദ്യു​തി ഉ​ൽ​പാ​ദി​പ്പി​ക്കാ​നു​ള്ള ശേ​ഷി​ പ്ലാന്റിനുണ്ട്. 8 വർഷം കൊണ്ടാണ് നിർമ്മാണ പ്രവർത്തികൾ പൂർത്തിയാക്കിയത്.

രാജ്യത്ത് സ്ഥിതി ചെയ്യുന്ന എ​ണ്ണ, പ്ര​കൃ​തി വാ​ത​ക സം​സ്ക​ര​ണ സം​വി​ധാ​ന​ങ്ങ​ൾ​ക്ക് ആവശ്യമായ വൈ​ദ്യു​തി വി​ത​ര​ണം ചെ​യ്യാ​ൻ പ്ലാ​ന്റി​ന്​ സ​ഹാ​യി​ക്കും എന്നുള്ളത് ആണ് മറ്റൊരു പ്രത്യേകത. 98,000 സോ​ളാ​ർ പാ​ന​ലു​ക​ളാ​ണ്​ പ്ലാ​ന്‍റി​ൽ ക്രമീകരിച്ചിട്ടുള്ളത്. പ്ര​തി​വ​ർ​ഷം 66,000 ട​ൺ കാ​ർ​ബ​ൺ ഡൈ ​ഓ​ക്സൈ​ഡിന്റെ പു​റ​ന്ത​ള്ള​ൽ ഒഴിവാക്കാനും സൗ​രോ​ർ​ജ പ്ലാന്റിലൂടെ സാധിക്കും.

വലിയ തോതിൽ പരിസ്ഥിതി മലിനീകരണം ഉണ്ടാകുന്നത് തടയാൻ കഴിയും. പ​രി​സ്ഥി​തി സം​ര​ക്ഷ​ണ​ത്തോ​ടു​ള്ള ഷാ​ർ​ജ​യു​ടെ പ്ര​തി​ബ​ദ്ധ​ത ഈ ​പ​ദ്ധ​തി സ്ഥി​രീ​ക​രി​ക്കു​ന്നു​വെ​ന്നും ഉ​പ​ഭ​ര​ണാ​ധി​കാ​രി ​ശൈ​ഖ്​ സു​ൽ​ത്താ​ൻ ബി​ൻ അ​ഹ്മ​ദ്​ അ​ൽ ഖാ​സി പറഞ്ഞു.