വിമാനം വീടുകളിലേക്ക് ഇടിച്ചുകയറി; രണ്ടുമരണം (വീഡിയോ)

ലോസ് ആഞ്ചല്‍സ്: കാലിഫോര്‍ണിയയില്‍ വീടുകളിലേക്ക്  വിമാനം
ഇടുച്ചുകയറി രണ്ടുപേര്‍ മരിച്ചു. നിരവധി വീടുകള്‍ക്കും വാഹനങ്ങള്‍ക്കും കേടുപാട് സംഭവിച്ചു. തിങ്കളാഴ്ചയാണ് സംഭവം നടന്നത്. 

ആറ് സീറ്റുകളുള്ള സെസ്സേന 340 ചെറുവിമാനമാണ് തകര്‍ന്നുവീണത്. അരിസോണയിലെ യുമയില്‍ നിന്ന് പുറപ്പെട്ട വിമാനമായിരുന്നു ഇത്. 

തിങ്കളാഴ്ച ഉച്ചയ്ത്ത് 12മണിയോടെയാണ് രണ്ട് വീടുകളിലേക്ക് പ്ലെയിന്‍ ഇടിച്ചുകയറിയത്. പ്ലെയിനില്‍ എത്രപേരുണ്ടായിരുന്നു എന്നതിനെപ്പറ്റി വ്യക്തത കിട്ടിയിട്ടില്ലെന്ന് തീയണയ്ക്കാനെത്തിയ അഗ്നിരക്ഷാ സേന വ്യക്തമാക്കി. അടുത്തുണ്ടായിരുന്ന കത്തിയ ട്രക്കില്‍ നിന്നാണ് ഒരു മൃതദേഹം കണ്ടെത്തിയത്. 

അപകടം നടന്ന സ്ഥലത്തിന് തൊട്ടടുത്തായി ഒരു സ്‌കൂളുമുണ്ട്. എന്നാല്‍ സ്‌കൂളില്‍ പ്രശ്‌നമൊന്നുമില്ലെന്നും കുട്ടികളെല്ലാം സുരക്ഷിതരാണെന്നും സ്‌കൂള്‍ അധികൃതര്‍ വ്യക്തമാക്കി.