'കപ്പയും മീനും വേണോയെന്ന് ചോദിച്ചാണ് വീഴ്ത്തിയത്'; ട്രിനിഡാഡില്‍ മലയാളികള്‍ക്കൊപ്പം സഞ്ജു സാംസണ്‍

ട്രിനിഡാഡ്: വെസ്റ്റ് ഇന്‍ഡീസിന് എതിരായ ഏകദിന പരമ്പരയില്‍ സഞ്ജു സാംസണിന് അവസരം ലഭിക്കുമോ എന്നറിയാനുള്ള ആകാംക്ഷയിലാണ് ആരാധകര്‍. അതിനിടയില്‍ രസകരമായ സഞ്ജുവിന്റെ വീഡിയോയാണ് ഇപ്പോള്‍ കരീബിയന്‍ മണ്ണില്‍ നിന്ന് വരുന്നത്. 

ട്രിനിഡാഡില്‍ എത്തിയ ഉടനെ കപ്പയും മീനും വേണോ എന്ന് ചോദിച്ചുള്ള വിളിയോടെയാണ് മലയാളി സ്വീകരിച്ചത് എന്നാണ് സഞ്ജു പറയുന്നത്. രണ്ട് മലയാളികള്‍ക്കൊപ്പം ഇരുന്ന് സ്റ്റേഡിയത്തില്‍ നിന്ന് സഞ്ജുവാണ് വീഡിയോ പിടിച്ചിരിക്കുന്നത്. മഴയെ തുടര്‍ന്ന് പരിശീലനം തടസപ്പെട്ടപ്പോഴാണ് ഇത്...

ഞാന്‍ ഇവിടെ ട്രിനിഡാഡിലുണ്ട്. നമ്മുടെ ചേട്ടന്മാര്‍ കൂടെയുണ്ട്. വളരെ സന്തോഷം. വിമാനത്താവളത്തില്‍ എത്തിയപ്പോള്‍ തന്നെ കപ്പയും മീനും വേണോ എന്ന് ചോദിച്ചാണ് ഒരു ചേട്ടന്‍ എന്നെ വീഴ്ത്തിയത്. കരീബിയനിലെ ആദ്യ അനുഭവം അതാണ് എന്നും സഞ്ജു വീഡിയോയില്‍ പറയുന്നു. 

ഈ വാര്‍ത്ത കൂടി വായിക്കൂ

5 ഇന്നിങ്‌സില്‍ നിന്ന് 4 സെഞ്ചുറി; ഏകദിനത്തില്‍ അരങ്ങേറ്റം കുറിക്കാന്‍ അര്‍ഹന്‍; ഋതുരാജ് ഓപ്പണറാവണമെന്ന് വസീം ജാഫര്‍ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ