വാര്‍ണറിനും സ്മിത്തിനും അര്‍ധ സെഞ്ച്വറി;ഓസ്‌ട്രേലിയക്ക് സൂപ്പര്‍ തുടക്കം

അഹമ്മദാബാദ്: നെതര്‍ലന്‍ഡ്‌സിനെതിരെ ഓസ്‌ട്രേലിയ്ക്ക് മികച്ച തുടക്കം. ഡേവിഡ് വാര്‍ണറും സ്റ്റീവ് സ്മിത്തും അര്‍ധ സെഞ്ച്വറി നേടി. കളി 22 ഓവര്‍ പിന്നിടുമ്പോള്‍ ഓസ്‌ട്രേലിയ ഒരുവിക്കറ്റ് നഷ്ടത്തില്‍ 145 റണ്‍സ് എന്ന നിലയിലാണ്. 9 റണ്‍സ് എടുത്ത മിച്ചല്‍ മാര്‍ഷിന്റെ വിക്കറ്റ് മാത്രമാണ് നഷ്ടമായത്. 

ടോസ് നേടിയ ഓസിസ് ബാറ്റിങ് തെരഞ്ഞെടുക്കുകയായിരുന്നു. അറുപത് റണ്‍സ് എടുക്കുന്നതിനിടെ വാര്‍ണര്‍ ഏഴ് ബൗണ്ടറികളും രണ്ട് സിക്‌സറും പറത്തി. 55 പന്തില്‍ നിന്നാണ് സ്മിത്ത് അര്‍ധസെഞ്ച്വറി നേടിയത്. 

തുടര്‍ച്ചയായ 2 തോല്‍വികള്‍ക്കു ശേഷം തിളങ്ങുന്ന പ്രകടനവുമായി ലോകകപ്പിലേക്കു തിരിച്ചുവന്ന ഓസ്‌ട്രേലിയയ്ക്ക് ഇന്നത്തെ മത്സരത്തിലും വിജയം അനിവാര്യമാണ്. അശക്തരാണെങ്കിലും അട്ടിമറിക്കു ശേഷിയുള്ളവരാണു തങ്ങളെന്നു ദക്ഷിണാഫ്രിക്കയ്‌ക്കെതിരായ മത്സരത്തിലൂടെ തെളിയിച്ചവരാണ് നെതര്‍ലന്‍ഡ്‌സ്. മാര്‍ക്കസ് സ്റ്റോയിനിസിനു പകരം കാമറൂണ്‍ ഗ്രീനിനെ ഉള്‍പ്പെടുത്തി. നെതര്‍ലന്‍ഡ്‌സ് ടീമില്‍ മാറ്റമില്ല.

ഈ വാര്‍ത്ത കൂടി വായിക്കൂ 

താരങ്ങള്‍ തമ്മില്‍ വാക്കേറ്റവും കയ്യാങ്കളിയും; പാക് ടീമില്‍ ആഭ്യന്തര കലഹം രൂക്ഷം, ബാബര്‍ ഒറ്റപ്പെടുന്നു; വാര്‍ത്ത തള്ളി പിസിബി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ