2027ലെ ടെസ്റ്റ് ചാംപ്യന്‍ഷിപ്പ് ഫൈനല്‍ വേദി; താത്പര്യമറിയിച്ച് ഇന്ത്യ

മുംബൈ: 2027ലെ ലോക ടെസ്റ്റ് ചാംപ്യന്‍ഷിപ്പ് ഫൈനല്‍ പോരാട്ടത്തിനു വേദിയാകാനുള്ള താത്പര്യമറിയിച്ച് ഇന്ത്യ. താത്പര്യം വ്യക്തമാക്കി ബിസിസിഐ രാജ്യാന്തര ക്രിക്കറ്റ് കൗണ്‍സിലിനു കത്ത് നല്‍കും.

ചാംപ്യന്‍ഷിപ്പിന്റെ മൂന്നാം ഫൈനലാണ് ഇത്തവണ നടക്കുന്നത്. ഇത്തവണ വേദിയാകുന്നത് ഇംഗ്ലണ്ട് ലോര്‍ഡ്‌സ് മൈതാനമാണ്. നേരത്തെ 2021, 2023 സീസണുകളിലും ഇംഗ്ലണ്ട് തന്നെയാണ് വേദിയായത്. 2021ല്‍ ഇന്ത്യ- ന്യൂസിലന്‍ഡ് ഫൈനല്‍ റോസ് ബൗളിലായിരുന്നു. 2023ല്‍ ഇന്ത്യ- ഇംഗ്ലണ്ട് ഫൈനല്‍ ഓവലിലാണ് അരങ്ങേറിയത്. ഇത്തവണ ഓസ്‌ട്രേലിയയും ദക്ഷിണാഫ്രിക്കയും തമ്മിലാണ് ഫൈനല്‍ പോരാട്ടം.

അമ്പെയ്ത്ത് ലോകകപ്പ്; ഇന്ത്യന്‍ പുരുഷന്‍മാര്‍ക്ക് സ്വര്‍ണം, വനിതാ ടീമിന് വെള്ളി

ടെസ്റ്റ് ചാംപ്യന്‍ഷിപ്പിന്റെ പുതിയ പതിപ്പ് ജൂണിലാണ് തുടങ്ങുന്നത്. ഇന്ത്യയും ഇംഗ്ലണ്ടും തമ്മിലുള്ള ടെസ്റ്റ് പരമ്പരയാണ് ആദ്യ പോരാട്ടം. ഇത്തവണ 9 ടീമുകളാണ് മാറ്റുരയ്ക്കുന്നത്.