ഗാലറിയില്‍നിന്ന് കൂവല്‍, കാണികള്‍ക്കു നേരെ തുപ്പി കോഹ്‌ലി, വിഡിയോ വൈറല്‍
ഓസീസിന്റെ അരങ്ങേറ്റ ഓപ്പണര്‍ പത്തൊമ്പതുകാരനായ സാം കോണ്‍സ്റ്റാസും തമ്മിലുള്ള സ്ലെഡ്ജിങ്ങായിരുന്നു ആദ്യത്തേത്.
കോഹ്‌ലി
Edited by :amalkjoy
Last Updated :27 ഡിസംബർ 2024, 11:55 am IST
മെല്‍ബണ്‍: മെല്‍ബണിലെ ബോക്‌സിങ് ഡേ ടെസ്റ്റില്‍ മൈതാനത്ത് വിരാട് കോഹ്‌ലിയുടെ ഭാഗത്ത് നിന്നുള്ള മോശം പെരുമാറ്റം ചര്‍ച്ചകള്‍ക്ക് വഴിവെച്ചിരിക്കുകയാണ്. ഓസീസിന്റെ അരങ്ങേറ്റ ഓപ്പണര്‍ പത്തൊമ്പതുകാരനായ സാം കോണ്‍സ്റ്റാസും തമ്മിലുള്ള സ്ലെഡ്ജിങ്ങായിരുന്നു ആദ്യത്തേത്.
വിക്കറ്റുകള്‍ക്കിടയില്‍ നടക്കുകയായിരുന്ന സാം കോണ്‍സ്റ്റാസിന്റെ ചുമലില്‍ വിരാട് ഷോള്‍ഡര്‍ കൊണ്ട് തട്ടുകയായിരുന്നു. എന്നാല്‍ ഇത് ഓസ്‌ട്രേലിയന്‍ യുവതാരത്തെ പ്രകോപിപ്പിച്ചു. താരം കോഹ്‌ലിയോട് രൂക്ഷമായ ഭാഷയില്‍ സംസാരിക്കുകയും ചെയ്തു. അമ്പയര്‍ ഇടപെട്ടാണ് രംഗം ശാന്തമാക്കിയത്. സംഭവത്തില്‍ വിരാട് കോഹ്‌ലിക്കെതിരെ ഐസിസി നടപടിയെടുക്കുകയും ചെയ്തിരുന്നു. മാച്ച് മാച്ച് ഫീയുടെ 20 ശതമാനം ഫൈനാണ് കോഹ്‌ലിക്ക് മേല്‍ ഐസിസി പിഴ ചുമത്തിയിരിക്കുന്നത്.
ഇപ്പോള്‍ ഓസ്‌ട്രേലിയന്‍ ആരാധകരോടും കോഹ്‌ലി മോശമായി പെരുമാറിയെന്ന പുതിയ വിവാദം ഉണ്ടായിരിക്കുകയാണ്. നാലാം ടെസ്റ്റില്‍ ഇന്ത്യ ഫീല്‍ഡ് ചെയ്യവെയാണ് സംഭവം. ലോങ്ഓണ്‍ ബൗണ്ടറിയില്‍ നിന്ന് ഫീല്‍ഡ് ചെയ്യുന്നതിനിടെ തന്നിക്കു നേരെ കൂകി വിളിച്ച കാണികള്‍ക്ക് നേരെ നോക്കി തുപ്പുന്ന കോഹ്‌ലിയുടെ വിഡിയോയാണ് ഇപ്പോള്‍ പുറത്തുവരുന്നത്.
എന്നാല്‍ താന്‍ ച്യൂയിങ് ഗം തുപ്പിയതാണെന്നണാണ് കോഹ്‌ലിയുടെ വാദം. എന്നാല്‍ കോഹ് ലിയെ കൂകിയ കാണികള്‍ക്കുള്ള മറുപടിയാണിതെന്നാണ് ആരാധകര്‍ പറയുന്നത്. സംഭവത്തിന്റെ വിഡിയോ സോഷ്യല്‍മീഡിയയില്‍ വൈറലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
Related topics
News Now
ന്യൂറോ സയന്‍സില്‍ പുതിയ 'വെളിച്ചം'; വൈദ്യശാസ്ത്ര നൊബേല്‍ മൂന്ന് പേര്‍ക്ക്
പുറത്ത് മുള്ളുകൾ, ഉള്ളിൽ ഗുണങ്ങൾ; ഡ്രാഗൺ ഫ്രൂട്ട് കഴിച്ചാൽ ശരീരത്തിന് എന്ത് സംഭവിക്കും?
വന്യജീവി വരാഘോഷത്തിന്റെ സംസ്ഥാനതല ഉദ്ഘാടന പന്തൽ തകർന്നു വീണു: മൂന്ന് പൊലീസുകാർ ഉൾപ്പെടെ നാല് പേർക്ക് പരിക്ക്
'വിജയ് പറഞ്ഞത് കേട്ട് ഞാന്‍ കരഞ്ഞു, അവന് എന്നെ ഇഷ്ടമല്ലെന്ന് കരുതി'; തുറന്നു പറഞ്ഞ് രശ്മിക മന്ദാന
