അഡ്‌ലെയ്ഡ്: ട്വന്റി20 ലോകകപ്പില്‍ സിംബാബ്‌വെക്കെതിരെ ടോസ് ഇന്ത്യക്ക്. ടോസ് നേടിയ ഇന്ത്യ ബാറ്റിങ് തെരഞ്ഞെടുത്തു. ഒരു മാറ്റവുമായാണ് ഇന്ത്യ ഇറങ്ങുന്നത്. 

ദിനേശ് കാര്‍ത്തിക്കിന് പകരം ഋഷഭ് പന്ത് പ്ലേയിങ് ഇലവനിലേക്ക് എത്തി. ആറ് പോയിന്റോടെ സെമിയിലേക്ക് രണ്ടാം ഗ്രൂപ്പില്‍ നിന്ന് ഇന്ത്യ യോഗ്യത നേടി കഴിഞ്ഞു. നിലവില്‍ നെറ്റ്‌റണ്‍റേറ്റിന്റെ ബലത്തില്‍ ഗ്രൂപ്പില്‍ ഒന്നാം സ്ഥാനം ഇന്ത്യക്കാണ്. സിംബാബ് വെക്ക് എതിരെ ജയിച്ചാല്‍ 8 പോയിന്റോടെയാവും ഇന്ത്യ സെമിയിലേക്ക് കടക്കുക. 

ട്വന്റി20 ലോകകപ്പില്‍ ഉടനീളം റണ്‍സ് ഉയര്‍ത്താനാവാതെയാണ് ദിനേശ് കാര്‍ത്തിക് കളിച്ചത്. ഇതോടെ ഋഷഭ് പന്തിന് അവസരം നല്‍കണം എന്ന ആവശ്യം ശക്തമായിരുന്നു. സിംബാബ് വെക്ക് എതിരെ ഇന്ന് ഋഷഭ് പന്തിന് മികവ് കാണിക്കാനായാല്‍ സെമിയിലേക്കും പന്തിന് ഇലവനില്‍ സ്ഥാനം കണ്ടെത്താനായേക്കും. 

ഈ വാര്‍ത്ത കൂടി വായിക്കൂ

പാകിസ്ഥാന്‍ കളിക്കുന്നത് 13 പേരുമായി! ഷക്കീബിന്റെ വിക്കറ്റില്‍ കലിപ്പിച്ച് ബംഗ്ലാദേശ് ആരാധകര്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ