ഭുവനേശ്വര്‍: ഹോക്കി ലോകകപ്പിലെ ആദ്യ മത്സരത്തില്‍ ഇന്ത്യയ്ക്ക് വിജയത്തോടെ തുടക്കം. പൂള്‍ ഡിയില്‍ സ്‌പെയിനിനെ എതിരില്ലാത്ത രണ്ടു ഗോളുകള്‍ക്കാണ് ഇന്ത്യ തകര്‍ത്തത്.

റൂര്‍ക്കല ബിര്‍സാമുണ്ട സ്‌റ്റേഡിയത്തില്‍ നടന്ന മത്സരത്തില്‍ അമിത് രോഹിദാസും ഹാര്‍ദിക് സിങ്ങുമാണ് ഇന്ത്യയ്ക്ക് വേണ്ടി സ്‌കോര്‍ ചെയ്തതത്. ഈ വിജയത്തോടെ ഇന്ത്യ പൂള്‍ ഡിയില്‍ രണ്ടാം സ്ഥാനത്തെത്തി. മൂന്ന് പോയന്റാണ് ഇന്ത്യയ്ക്കുള്ളത്. ഇംഗ്ലണ്ടാണ് ഒന്നാമത്. ഇംഗ്ലണ്ടിനും മൂന്ന് പോയന്റാണുള്ളത് എന്നാല്‍ ഗോള്‍ വ്യത്യാസത്തില്‍ അവര്‍ മുന്നിലെത്തി. 

48 വര്‍ഷത്തെ കാത്തിരിപ്പ് അവസാനിപ്പിച്ച് ഇത്തവണ കപ്പ് നേടുക എന്നതാണ് ഹര്‍മന്‍പ്രീത് സിങിന്റെ നേതൃത്വത്തിലുള്ള സംഘത്തിന്റെ ലക്ഷ്യം. അവസാനം നടന്ന 2018 ലോകകപ്പില്‍ ആറാം സ്ഥാനം കൊണ്ട് ഇന്ത്യയ്ക്ക് തൃപ്തിപ്പെടേണ്ടി വന്നു.

ഈ വാര്‍ത്ത കൂടി വായിക്കൂ

രഞ്ജിയില്‍ കേരളത്തിന് വമ്പന്‍ ജയം; സര്‍വീസസിനെ 204 റണ്‍സിന് തോല്‍പ്പിച്ചു; ജലജ് സക്‌സേനയ്ക്ക് എട്ടു വിക്കറ്റ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ