ജൂനിയർ വിംബിൾഡൺ കിരീടം ഉയർത്തി ഇന്ത്യൻ വംശജൻ സമീർ ബാനർജി 

ലണ്ടൻ: ജൂനിയർ വിംബിൾഡൺ കിരീടം ഇന്ത്യൻ വംശജനായ അമേരിക്കൻ താരം സമീർ ബാനർജിക്ക്. അമേരിക്കൻ താരം തന്നെയായ വിക്ടർ ലിലോവിനെ തോൽപ്പിച്ചാണ് സമീർ കിരീടം നേടിയത്. വിക്ടർ ലിലോവിനെ നേരിട്ടുള്ള സെറ്റുകൾക്കാണ് സമീർ തകർത്തത്. 

സമീർ ന്യൂ ജേഴ്സി സ്വദേശിയും വിക്ടർ നോർത്ത് കരോളിന സ്വദേശിയുമാണ്. ഞായറാഴ്ച നടന്ന ഫൈനലിൽ 7-5, 6-3 എന്നായിരുന്നു സ്കോർ. 

ആറു വർഷത്തിനുശേഷം ആദ്യമായാണ് ഒരു അമേരിക്കൻ താരം ജൂനിയർ വിംബിൾഡൺ ചാമ്പ്യൻഷിപ്പിൽ കിരീടം നേടുന്നത്. റെയ്ല്ലി ഒപെൽക്കയാണ് സമീറിന് മുമ്പ് ഈ നേട്ടം സ്വന്തമാക്കിയ അമേരിക്കൻ താരം.  2015ലായിരുന്നു ഒപെൽക്കയുടെ നേട്ടം. ജൂനിയർ വിംബിൾഡൺ  നേടുന്ന 12-ാമത്തെ അമേരിക്കൻ താരവുമാണ് സമീർ.