പേസ് നിരയ്ക്ക് കരുത്തു കൂട്ടാന്‍ ഹൈദരാബാദ്; ജെറാര്‍ഡ് കോറ്റ്‌സി ടീമില്‍

ഹൈദരാബാദ്: ദക്ഷിണാഫ്രിക്കന്‍ പേസര്‍ ജറാര്‍ഡ് കോറ്റ്‌സിയെ ടീമിലെത്തിച്ച് സണ്‍റൈസേഴ്‌സ് ഹൈദരാബാദ്. ഡേവിഡ് പെയ്‌നിനു പകരമാണ് കോറ്റ്‌സി ടീമിലെത്തുന്നത്. പെയ്ന്‍ പരിക്കേറ്റ് പുറത്തായിരുന്നു.

ആദ്യ രണ്ട് മത്സരങ്ങള്‍ക്കു പിന്നാലെയാണ് പെയ്‌നിനു പരിക്കേറ്റത്. രണ്ട് മത്സരങ്ങളില്‍ നിന്നു താരം രണ്ട് വിക്കറ്റുകളാണ് നേടിയത്.

രണ്ട് കോടി പ്രതിഫലത്തിലാണ് കോറ്റ്‌സി വരുന്നത്. ദക്ഷിണാഫ്രിക്കയ്ക്കായി 4 ടെസ്റ്റും 14 ഏകദിനങ്ങളും 18 ടി20 മത്സരങ്ങളും കളിച്ച താരമാണ് ജെറാര്‍ഡ് കോറ്റ്‌സി.

നേരത്തെ മുംബൈ ഇന്ത്യന്‍സ്, ഗുജറാത്ത് ടൈറ്റന്‍സ് ടീമുകള്‍ക്കായി താരം കളിച്ചിട്ടുണ്ട്. 14 ഐപിഎല്‍ മത്സരങ്ങളില്‍ നിന്നു 15 വിക്കറ്റുകള്‍ നേടിയിട്ടുണ്ട്.