ബട്ട്‌ലറുമായി കൊമ്പുകോര്‍ത്ത് കോഹ്‌ലി; കാരണം ചികഞ്ഞ് ആരാധകര്‍

അഹമ്മദാബാദ്: ഓപ്പണറായി ഇറങ്ങിയതിനൊപ്പം ഫീല്‍ഡിങ്ങിന് ഇടയിലും ടീമിന്റെ ആക്രമണ മനോഭാവം കോഹ്‌ലി വ്യക്തമാക്കി. ജോസ് ബട്ട്‌ലറുമായുള്ള കൊമ്പുകോര്‍ക്കലിലേക്കാണ് ഇത് എത്തിച്ചത്. 

ഇംഗ്ലണ്ട് ഇന്നിങ്‌സിന്റെ 13ാം ഓവറില്‍ ജോസ് ബട്ട്‌ലറെ ഭുവനേശ്വര്‍ കുമാര്‍ പുറത്താക്കിയതോടെയാണ് സംഭവങ്ങളുടെ തുടക്കം. പുറത്താക്കലിന് പിന്നാലെ ഡഗൗട്ടിലേക്ക് ബട്ട്‌ലര്‍ മടങ്ങുന്നതിന് ഇടയിലാണ് കോഹ് ലിയുമായി കൊമ്പുകോര്‍ത്തത്. 

എന്തിന്റെ പേരിലാണ് ഇരുവരും പ്രകോപിതരായത് എന്ന് വ്യക്തമല്ല. ഇതോടെ ആരാധകര്‍ അവരവരുടേതാണ് ഭാവനയുമായി എത്തുന്നു. കളിയിലേക്ക് വരുമ്പോള്‍ ഇന്ത്യ മുന്‍പില്‍ വെച്ച 224 റണ്‍സ് പിന്തുടര്‍ന്ന ഇംഗ്ലണ്ടിന് 188 റണ്‍സ് മാത്രമാണ് കണ്ടെത്താനായത്. ഇതോടെ 5 ടി20കളുടെ പരമ്പര ഇന്ത്യ 3-2ന് സ്വന്തമാക്കി.