ഒടുവില്‍ ജയിച്ച് വെസ്റ്റ് ഇന്‍ഡീസ്; 6 വിക്കറ്റ് പിഴുത് മക്കോയ്; ഇന്ത്യക്ക് 5 വിക്കറ്റ് തോല്‍വി

സെന്റ് കിറ്റ്‌സ്: ഇന്ത്യക്കെതിരായ പരമ്പരയിലെ രണ്ടാം ട്വന്റി20യില്‍ ജയം പിടിച്ച് വെസ്റ്റ് ഇന്‍ഡീസ്. അഞ്ച് വിക്കറ്റിലാണ് വെസ്റ്റ് ഇന്‍ഡീസിന്റെ ജയം. ഇന്ത്യ മുന്‍പില്‍ വെച്ച 139 റണ്‍സ് നാല് പന്തുകള്‍ ശേഷിക്കെ അഞ്ച് വിക്കറ്റ് നഷ്ടത്തില്‍ വിന്‍ഡിസ് മറികടന്നു. 

4 ഓവറില്‍ 17 റണ്‍സ് മാത്രം വഴങ്ങി 6 വിക്കറ്റ് പിഴുത മകോയ് ആണ് വിജയ ശില്‍പി. 68 റണ്‍സ് നേടി ഓപ്പണര്‍ ബ്രണ്ടന്‍ കിങ് വിന്‍ഡിസിന്റെ ജയം എളുപ്പമാക്കി. ഡെവോണ്‍ തോമസ് 19 പന്തില്‍ നിന്ന് 31 റണ്‍സ് എടുത്തു. ഇന്ത്യന്‍ ബൗളര്‍മാരില്‍ ഭുവനേശ്വര്‍ കുമാറിന് മാത്രമാണ് വിക്കറ്റ് വീഴ്ത്താനാവാതിരുന്നത്. ബാക്കി അഞ്ച് ബൗളര്‍മാര്‍ ഓരോ വിക്കറ്റ് വീതം വീഴ്ത്തി. 

നേരത്തെ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യക്ക് ഇന്നിങ്‌സിലെ ആദ്യ പന്തില്‍ തന്നെ രോഹിത് ശര്‍മയെ നഷ്ടമായി. പിന്നാലെ 17 റണ്‍സിലേക്ക് ടീം സ്‌കോര്‍ എത്തിയപ്പോള്‍ സൂര്യകുമാറും മടങ്ങി. കൃത്യമായ ഇടവേളകളില്‍ വിക്കറ്റ് വീഴ്ത്തിയ വിന്‍ഡിസ് ബൗളര്‍മാര്‍ ഇന്ത്യന്‍ സ്‌കോര്‍ 138ല്‍ ഒതുക്കി. 31 റണ്‍സ് എടുത്ത ഹര്‍ദിക് പാണ്ഡ്യയാണ് ഇന്ത്യയുടെ ടോപ് സ്‌കോറര്‍.

ഈ വാർത്ത കൂടി വായിക്കൂ

കോമണ്‍വെല്‍ത്ത് ഗെയിംസ്; ജൂഡോയിലും മെഡലുറപ്പിച്ച് ഇന്ത്യ; സുശീല ദേവി ഫൈനലില്‍

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ