ഇനി ഐപിഎല്‍ കളിക്കുമോ? 'അത് അത്ര എളുപ്പമല്ല', അഭ്യൂഹങ്ങളില്‍ പ്രതികരിച്ച് ധോനി
ഐപിഎലിന്റെ ഈ സീസണില്‍ മാത്രമല്ല, ശേഷമുള്ള സീസണുകളിലും കളിക്കുമെന്ന സൂചനയാണ് ധോനി നല്‍കിയത്.
എംഎസ് ധോനിഎക്‌സ്
Edited by :amalkjoy
Last Updated :26 ഒക്ടോബർ 2024, 11:58 am IST
ന്യൂഡല്‍ഹി: ഇന്ത്യന്‍ പ്രീമിയര്‍ ലീഗിന്റെ (ഐപിഎല്‍) 2025 സീസണില്‍ കളിക്കുമെന്ന് സൂചന നല്‍കി എംഎസ് ധോനി. ഐപിഎലിന്റെ ഈ സീസണില്‍ മാത്രമല്ല, ശേഷമുള്ള സീസണുകളിലും കളിക്കുമെന്ന സൂചനയാണ് ധോനി നല്‍കിയത്.
അടുത്ത കുറച്ച് വര്‍ഷത്തേക്ക് ക്രിക്കറ്റ് കളിക്കാന്‍ സാധ്യമായതെല്ലാം തന്റെ ഭാഗത്തുനിന്ന് ചെയ്യുമെന്നാണ് ധോനി പറഞ്ഞത്. ഐപിഎല്‍ 2025 ല്‍ മാത്രമല്ല, മെഗാ ലേലത്തിന് ശേഷമുള്ള മൂന്ന് വര്‍ഷത്തെ സൈക്കിളിലും ധോനി സിഎസ്‌കെയിലുണ്ടാകുമെന്ന റിപ്പോര്‍ട്ടുകളാണ് പുറത്തുവരുന്നത്.
'എനിക്ക് കളിക്കാന്‍ സാധിക്കുന്ന അവസാന ഏതാനും വര്‍ഷങ്ങള്‍ ആസ്വദിക്കാനാണ് ഞാന്‍ ആഗ്രഹിക്കുന്നത്. ക്രിക്കറ്റ് പോലെ പ്രൊഫഷണല്‍ സ്‌പോര്‍ട്‌സ് കളിക്കുമ്പോള്‍ അത് ആസ്വദിച്ച് കളിക്കാനാവുക എന്നത് എളുപ്പമല്ല. വൈകാരികത എല്ലായ്‌പ്പോഴും ഉണ്ടാവും. അടുത്ത ഏതാനും വര്‍ഷം കളിക്കുന്നത് ആസ്വദിക്കാനാണ് ഞാന്‍ ആഗ്രഹിക്കുന്നത്- താന്‍ ബ്രാന്‍ഡ് അംബാസഡറായ സോഫ്റ്റ്വെയര്‍ ബ്രാന്‍ഡായ റിഗിയുടെ പ്രമോഷണല്‍ ഇവന്റില്‍ ധോനി പറഞ്ഞു.
9 മാസത്തോളം എനിക്ക് എന്റെ ഫിറ്റ്നസ് നിലനിര്‍ത്തേണ്ടതുണ്ട്. അങ്ങനെ വന്നാലെ എനിക്ക് രണ്ടര മാസം നീണ്ടുനില്‍ക്കുന്ന ഐപിഎല്‍ കളിക്കാന്‍ സാധിക്കുകയുള്ളു. അത് പ്ലാന്‍ ചെയ്യേണ്ടതുണ്ട്. അതിനൊപ്പം തന്നെ ആസ്വദിക്കേണ്ടതുമുണ്ട്, ധോനി പറഞ്ഞു. കഴിഞ്ഞ ഐപിഎല്‍ സീസണില്‍ ധോനി ചെന്നൈ സൂപ്പര്‍ കിങ്‌സിന്റെ ക്യാപ്റ്റന്‍സി ഋതുരാജ് ഗയ്ക്‌വാദിന് കൈമാറിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
News Now
മുന്നറിയിപ്പില്‍ വീണ്ടും മാറ്റം; പത്ത് ജില്ലകളില്‍ യെല്ലോ അലര്‍ട്ട്; 50 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യത
'പാലപ്പൂ' ചിത്രീകരണം ആരംഭിച്ചു; സിദ്ധാർത്ഥ് ഭരതനും ബേബി ജീനും സിജു സണ്ണിയും പ്രധാന വേഷങ്ങളിൽ
അജ്ഞാത ആപ്പുകളോ ഫയലുകളോ ഫോണില്‍ ഉപയോഗിക്കരുത്; പണം കാലിയാകും, പൊലീസ് മുന്നറിയിപ്പ്
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
