ഫിറ്റ്നസ് വീണ്ടെടുത്ത് വാഷിങ്ടൻ സുന്ദർ; ബുംറ കളിക്കുമോ?

ബം​ഗളൂരു: ഓൾ റൗണ്ടർ വാഷിങ്ടൻ സുന്ദർ അഫ്​ഗാനിസ്ഥാനെതിരായ മൂന്ന് ടി20 മത്സരങ്ങളടങ്ങിയ പരമ്പരയിൽ കളിക്കും. താരം ഫിറ്റ്നസ് വീണ്ടെടുത്തു. അതേസമയം സുപ്രീം പേസർ ജസ്പ്രിത് ബുംറ അടക്കമുള്ള താരങ്ങളുടെ ഫിറ്റ്നസ് സംബന്ധിച്ച് ഇപ്പോഴും അവ്യക്തത തുടരുകയുമാണ്. ഈ മാസം 13 മുതലാണ് ഇന്ത്യ- അഫ്​ഗാനിസ്ഥാൻ ടി20 പരമ്പര.

പരമ്പര ആരംഭിക്കാൻ ഇനി നാല് ദിവസം മാത്രമാണ് ശേഷിക്കുന്നത്. അതിനിടെ ബുംറ അടക്കമുള്ള താരങ്ങൾ ഫിറ്റ്നസ് തെളിയിക്കുമോ എന്ന കാര്യത്തിൽ വ്യക്തത വന്നിട്ടില്ല. ബുംറയ്ക്ക് പുറമെ ഹർഷിത് റാണ, നിതീഷ് കുമാർ റെഡ്ഡി അടക്കമുള്ളവരും ഫിറ്റ്നസ് തെളിയിക്കാൻ കാത്തിരിക്കുന്നുണ്ട്. ഹർഷിതും നിതീഷും നിലവിൽ ഫിറ്റ്നസ് ടെസ്റ്റ് പൂർത്തിയാക്കിയിട്ടുണ്ട്. എന്നാൽ ബിസിസിഐ ഇരുവരുടേയും കാര്യത്തിൽ അന്തിമ തീരുമാനം എടുത്തിട്ടില്ല. നാളെ വൈകീട്ടോടെ ബുംറ അടക്കമുള്ളവരുടെ കാര്യത്തിൽ വ്യക്തത വരുമെന്നാണ് റിപ്പോർട്ടുകൾ.

ടി20 മത്സരങ്ങളിൽ സമീപ കാലത്ത് മോശം പ്രകടനമാണ് ഇന്ത്യക്കുള്ളത്. അയർലൻഡ്, ഇം​ഗ്ലണ്ട് പരമ്പരകളിൽ തുടരെ ആറ് മത്സരങ്ങൾ തോറ്റാണ് ഇന്ത്യ നിൽക്കുന്നത്. അതിനു ശേഷമാണ് ഇന്ത്യ അഫ്​ഗാനെതിരെയുള്ള ടീമിനെ പ്രഖ്യാപിച്ചത്. മലയാളി ബാറ്റർ സഞ്ജു സാംസൺ അടക്കമുള്ളവർ സ്ക്വാഡിൽ തിരിച്ചെത്തിയിട്ടുണ്ട്.

അഫ്​ഗാൻ പരമ്പരയ്ക്കുള്ള ഇന്ത്യൻ ടീം: ശ്രേയസ് അയ്യർ (ക്യാപ്റ്റൻ), അഭിഷേക് ശർമ, വൈഭവ് സൂര്യവംശി, സഞ്ജു സാംസൺ, ഇഷാൻ കിഷൻ, തിലക് വർമ, ശിവം ​ദുബെ, നിതീഷ് കുമാർ റെഡ്ഡി (ഫിറ്റ്നസ് വിധേയം), അക്ഷർ പട്ടേൽ, വാഷിങ്ടൻ സുന്ദർ, വരുൺ ചക്രവർത്തി, രവി ബിഷ്ണോയ്, ജസ്പ്രിത് ബുംറ (ഫിറ്റ്നസ് വിധേയം), അർഷ്ദീപ് സിങ്, ഹർഷിത് റാണ (ഫിറ്റ്നസ് വിധേയം).