കളിച്ച് നേടി ഖത്തര്‍, യുഎഇയെ വീഴ്ത്തി 2026 ലോകകപ്പിലേക്ക്
യുഎഇയെ 2-1 കീഴടക്കിയാണ് ഖത്തര്‍ ലോകകപ്പ് ബെര്‍ത്ത് ഉറപ്പിച്ചിരിക്കുന്നത്
Qatar defeats UAE to qualify for FIFA World Cup 2026
Edited by :Anoop N P
Last Updated :15 ഒക്ടോബർ 2025, 7:39 am IST
ദോഹ: 2026 ലെ ഫുട്‌ബോള്‍ ലോകകപ്പില്‍ ഖത്തര്‍ പന്തുതട്ടും. 2022ല്‍ ആതിഥേയരായി ലോകകപ്പില്‍ കളിച്ച ഖത്തര്‍ ഇത്തവണ ഏഷ്യയില്‍ നിന്നും ഔദ്യോഗികമായി യോഗ്യത നേടിയാണ് ടൂര്‍ണമെന്റില്‍ എത്തുന്നത്. യുഎഇയെ 2-1 കീഴടക്കിയാണ് ഖത്തര്‍ ലോകകപ്പ് ബെര്‍ത്ത് ഉറപ്പിച്ചിരിക്കുന്നത്.
ലോകകപ്പിന് യോഗ്യത നേടാന്‍ യുഎഇക്ക് സമനില മതിയായിരുന്നു. ആദ്യ കളിയില്‍ ഒമാനെതിരെ ഗോള്‍ രഹിത സമനില നേടിയ ഖത്തറിന് വിജയം അനിവാര്യമായിരുന്നു. വാശിയേറിയ പോരാട്ടത്തില്‍ മത്സരത്തിന്റെ ഒന്നാം പകുതി ഗോള്‍ രഹിതമായിരുന്നു.
രണ്ടാം പകുതി തുടങ്ങി 49ാം മിനിറ്റില്‍ അക്രം അഫീഫ് എടുത്ത ഫ്രീകിക്ക് ഹെഡ്ഡറിലൂടെ ബൗലം ഖൗഖി വലയിലെത്തിച്ചു. 73ാം മിനുറ്റില്‍ പെഡ്രോ മിഗ്വല്‍ രണ്ടാം ഗോളും നേടി. 88ാം മിനിറ്റില്‍ താരിഖ് സല്‍മാന്‍ ചുവപ്പുകാര്‍ഡുമായി പുറത്തായി. ഇഞ്ചുറി ടൈമിലെ എട്ടാം മിനിറ്റിലാണ് സുല്‍ത്താന്‍ ആദില്‍ യുഎഇയുടെ ആശ്വാസ ഗോള്‍ കണ്ടെത്തിയത്.
ഖത്തറിന് പുറമെ സൗദി അറേബ്യയും 2026 ലോകകപ്പില്‍ ജിസിസിയില്‍ നിന്നും മത്സരത്തിനിറങ്ങും. ഇറാഖ് മത്സരം ഗോള്‍ രഹിത സമനിലയില്‍ അവസാനിച്ചതാണ് സൗദി അറേബ്യക്ക് ഗുണമായത്. വിജയത്തോടെ, ഖത്തര്‍ നാലാം റൗണ്ടില്‍ ഗ്രൂപ്പ് എയില്‍ ഒന്നാം സ്ഥാനത്തെത്തി. ഖത്തറിന് ഒപ്പം ഓസ്ട്രേലിയ, ജപ്പാന്‍, ഇറാന്‍, ദക്ഷിണ കൊറിയ, ഉസ്ബെക്കിസ്ഥാന്‍, ജോര്‍ദാന്‍, സൗദി അറേബ്യ എന്നിവരും 2026 ലോകകപ്പില്‍ ഏഷ്യയില്‍ നിന്നും കളത്തിലിറങ്ങും.
News Now
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
ഉറക്കം മുതൽ ഹൃദയാരോഗ്യം വരെ; ഗുണങ്ങൾ ഏറെയുള്ള 3 ഹെർബൽ ടീകൾ
വള്ളി നിറയെ കായ്ക്കും, പടവലം പറിച്ചു മടുക്കും; കൃഷി ചെയ്യുമ്പോള്‍ ഈ 7 കാര്യങ്ങള്‍ ശ്രദ്ധിക്കൂ
Summary
AFC World Cup 2026 qualifying Qatar edged past the United Arab Emirates (UAE) with a 2–1 win. Qatar get qualification to next year’s tournament in the United States, Mexico, and Canada.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
