63 പന്തില്‍ 117, റീസ ഹെന്‍ഡ്രിക്‌സിന്റെ കന്നി ശതകം; പാകിസ്ഥാനെ തകര്‍ത്ത് ദക്ഷിണാഫ്രിക്ക

സെഞ്ചൂറിയന്‍: ഓപ്പണര്‍ റീസ ഹെന്‍ഡ്രിക്‌സിന്റെ കന്നി ടി20 സെഞ്ച്വറി ബലത്തില്‍ പാകിസ്ഥാനെ തകര്‍ത്തെറിഞ്ഞ് ദക്ഷിണാഫ്രിക്ക ടി20 പരമ്പര ഉറപ്പിച്ചു. രണ്ടാം പോരാട്ടത്തില്‍ 7 വിക്കറ്റിന്റെ ജയമാണ് അവര്‍ ആഘോഷിച്ചത്. ഇതോടെ രണ്ട് വര്‍ഷത്തെ ഇടവേളയ്ക്ക് ശേഷം ദക്ഷിണാഫ്രിക്ക സ്വന്തം മണ്ണില്‍ ടി20 പരമ്പര നേട്ടവും സ്വന്തമാക്കി. തുടരെ രണ്ട് ജയങ്ങളുമായാണ് അവര്‍ പരമ്പര ഉറപ്പിച്ചത്.

ആദ്യം ബാറ്റ് ചെയ്ത പാകിസ്ഥാന്‍ നിശ്ചിത ഓവറില്‍ 5 വിക്കറ്റ് നഷ്ടത്തില്‍ 206 റണ്‍സെന്ന മികച്ച സ്‌കോര്‍ പടുത്തുയര്‍ത്തി. ദക്ഷിണാഫ്രിക്ക 3 പന്തുകള്‍ അവശേഷിക്കേ 19.3 ഓവറില്‍ 3 വിക്കറ്റ് മാത്രം നഷ്ടത്തില്‍ 210 റണ്‍സ് അടിച്ചാണ് വിജയം തൊട്ടത്.

മൂന്നാം ടെസ്റ്റിന് ​ഗാബയിൽ തുടക്കം; ടോസ് ഇന്ത്യയ്ക്ക്, ഓസ്ട്രേലിയയെ ബാറ്റിങ്ങിനയച്ചു; വില്ലനായി മഴ

ലക്ഷ്യത്തിലേക്ക് ബാറ്റേന്തിയ പ്രോട്ടീസിന് ഹെന്‍ഡ്രിക്‌സിന്റെ തീപ്പൊരി ബാറ്റിങ് തുണയായി. താരം 63 പന്തില്‍ 10 സിക്‌സും 7 ഫോറും സഹിതം 117 റണ്‍സെടുത്തു. താരത്തിന്റെ കന്നി ടി20 അന്താരാഷ്ട്ര സെഞ്ച്വറി. 38 പന്തില്‍ 5 സിക്‌സും 3 ഫോറും സഹിതം 66 റണ്‍സുമായി പുറത്താകാതെ നിന്ന റസ്സി വാന്‍ ഡര്‍ ഡസന്റെ മികവും ദക്ഷിണാഫ്രിക്കയുടെ ലക്ഷ്യം എളുപ്പമാക്കി.

നേരത്തെ ാേപ്പണര്‍ സയം അയൂബ് പുറത്താകാതെ നേടിയ അര്‍ധ സെഞ്ച്വറിയുടെ ബലത്തിലാണ് പാകിസ്ഥാന്‍ മികച്ച സ്‌കോറിലെത്തിയത്. താരം 57 പന്തില്‍ 5 സിക്‌സും 11 ഫോറും സഹിതം 98 റണ്‍സുമായി പുറത്താകാതെ നിന്നു. മുന്‍ ക്യാപ്റ്റന്‍ ബാബര്‍ അസം (31), ഇര്‍ഫാന്‍ ഖാന്‍ (16 പന്തില്‍ 30) എന്നിവരുടെ മികവും പാക് ഇന്നിങ്‌സിനെ തുണച്ചു.