അച്ഛന് ലക്ഷങ്ങൾ വിലയുള്ള സ്പോർട്സ് ബൈക്ക് സമ്മാനിച്ച് ഇന്ത്യൻ ക്രിക്കറ്റർ റിങ്കു സിങ് (വിഡിയോ)

ലഖ്നൗ: ഇന്ത്യൻ ക്രിക്കറ്റ് താരം റിങ്കു സിങ് തന്റെ അച്ഛൻ ഖൻചന്ദ്ര സിങിനു ലക്ഷങ്ങൾ വിലയുള്ള സ്പോർട്സ് ബൈക്ക് സമ്മാനിച്ചു. മകൻ സമ്മാനിച്ച ബൈക്കിൽ സഞ്ചരിക്കുന്ന ഖൻചന്ദ്രിന്റെ വിഡിയോ സാമൂഹിക മാധ്യമങ്ങളിൽ വൈറലായിരുന്നു.

കാവസാക്കി നിഞ്ച ബൈക്കാണ് റിങ്കു അച്ഛനു സമ്മാനിച്ചത്. 5 ലക്ഷം രൂപയാണ് വണ്ടിയുടെ വില.

മകൻ ദേശീയ ടീം താരമായിട്ടും ​ഗ്യാസ് സിലിണ്ടറുകൾ ചുമന്ന് വീടുകളിലെത്തിച്ചു നൽകുന്ന ജോലി ഇപ്പോഴും തുടരുന്നുണ്ട് അദ്ദേഹം. അച്ഛൻ അദ്ദേഹത്തിനു ഇഷ്ടമുള്ള ജോലി ചെയ്യുകയാണെന്നു റിങ്കു നേരത്തെ പ്രതികരിച്ചിരുന്നു.

ടീം ഇന്ത്യ ജേഴ്സിയിൽ 'പാകിസ്ഥാൻ' വേണ്ട! ചാംപ്യൻസ് ട്രോഫിയിൽ പുതിയ വിവാദം

നിലവിൽ ഇന്ത്യ- ഇം​ഗ്ലണ്ട് ടി20 പരമ്പരയ്ക്കായുള്ള തയ്യാറെടുപ്പിലാണ് റിങ്കു. ഇക്കഴിഞ്ഞ ഐപിഎൽ മെ​ഗാ ലേലത്തിൽ റിങ്കുവിനെ കൊൽക്കത്ത നൈറ്റ്റൈഡേഴ്സ് 13 കോടിയ്ക്ക് താരത്തെ ടീമിൽ തിരിച്ചെത്തിച്ചിരുന്നു.

റിങ്കു സിങ് വിവാ​ഹിതനാകാനുള്ള തയ്യാറെടുപ്പിലുമാണ്. സമാജ്‍വാദി പാർട്ടി എംപി പ്രിയ സരോജുമായുള്ള വിവാഹത്തിനുള്ള ഒരുക്കത്തിലാണ് റിങ്കുവിന്റെ കുടുംബം.