സ്വന്തം പിഴവില്‍ റണ്ണൗട്ട്; കലിപ്പ് മുഴുവന്‍ ഗില്ലിനോട്... തെറി വിളിച്ച് മടക്കം; രോ​ഹിത് സംപൂജ്യൻ! (വീഡിയോ)

മൊഹാലി: അഫ്ഗാനിസ്ഥാനെതിരായ ഒന്നാം ടി20യില്‍ 159 റണ്‍സിലേക്ക് ബാറ്റേന്തുന്ന ഇന്ത്യക്ക് തുടക്കത്തില്‍ തന്നെ ക്യാപ്റ്റന്‍ രോഹിത് ശര്‍മയെ നഷ്ടമായി. രണ്ട് പന്തില്‍ സംപൂജ്യനായി രോഹിത് മടങ്ങി. പിന്നാലെ താരത്തിന്റെ പ്രവൃത്തി ഇപ്പോള്‍ വിമര്‍ശനങ്ങള്‍ വിളിച്ചു വരുത്തിയിരിക്കുകയാണ്. 

ശുഭ്മാന്‍ ഗില്ലുമായുണ്ടായ ആശയക്കുഴപ്പത്തിനിടെ രോഹിത് റണ്ണൗട്ടായി മടങ്ങുകയായിരുന്നു. പുറത്തായതിന്റെ നിരാശയില്‍ ക്യാപ്റ്റന്‍ പരസ്യമായി തന്നെ ഗില്ലിനോടു കയര്‍ത്താണ് മടങ്ങിയത്. 

ക്യാപ്റ്റന്റെ പെരുമാറ്റം അതിരുവിട്ടെന്നു ചൂണ്ടിക്കാട്ടി ആരാധകര്‍ രംഗത്തെത്തി. സ്വന്തം അബദ്ധത്തില്‍ പുറത്തായ രോഹിത് സഹ താരമായ ശുഭ്മാന്‍ ഗില്ലിനെയാണ് തെറി വിളിക്കുന്നതെന്നു ആരാധകര്‍ ചൂണ്ടിക്കാട്ടുന്നു. രോഹിതിന്റെ ക്യാപ്റ്റന്‍സിക്കു കീഴില്‍ യുവ താരങ്ങളുടെ സ്ഥിതി വലിയ കുഴപ്പത്തിലാണെന്നു വരെ ആരാധകര്‍ വിമര്‍ശിക്കുന്നു.

ഈ വാര്‍ത്ത കൂടി വായിക്കൂ 

തകര്‍ത്തടിച്ച് നബി, കുരുക്കി അക്ഷര്‍; അഫ്ഗാനെതിരെ ഇന്ത്യക്ക് ജയിക്കാന്‍ 159 റണ്‍സ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്തി. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ