സഞ്ജുവും പന്തും നേര്‍ക്കുനേര്‍; ടോസ് രാജസ്ഥാന്; ഡല്‍ഹി ആദ്യം ബാറ്റ് ചെയ്യും

അബുദാബി: ഐപിഎല്ലില്‍ ഇന്നത്തെ ആദ്യ പോരാട്ടത്തില്‍ രാജസ്ഥാന്‍ റോയല്‍സും ഡല്‍ഹി ക്യാപിറ്റല്‍സും നേര്‍ക്കുനേര്‍. ടോസ് നേടി രാജസ്ഥാന്‍ ആദ്യം ബൗള്‍ ചെയ്യാന്‍ തീരുമാനിച്ചു. 

ഇന്ന് വിജയിച്ചാല്‍ ഡല്‍ഹിക്ക് അടുത്ത ഘട്ടം ഏതാണ്ട് ഉറപ്പിക്കാം. വിജയത്തില്‍ കുറഞ്ഞതൊന്നും ലക്ഷ്യം വയ്ക്കാത്ത സഞ്ജുവും സംഘവും ആദ്യ നാലിലേക്ക് എത്തുകയാണ് മുന്നില്‍ കാണുന്നത്. 

രാജസ്ഥാന്‍ കഴിഞ്ഞ കളിയില്‍ നിന്നുള്ള ടീമില്‍ മാറ്റം വരുത്തിയിട്ടുണ്ട്. എവിന്‍ ലൂയീസ്, ക്രിസ് മോറിസ് എന്നിവര്‍ ഇന്ന് കളിക്കില്ല. പകരം ടബ്‌രൈസ് ഷംസി, ഡേവിഡ് മില്ലര്‍ എന്നിവര്‍ ടീമിലെത്തും. 

ഡല്‍ഹി ടീമില്‍ മാര്‍ക്കസ് സ്റ്റോയ്‌നിസ് കളിക്കില്ല. ലളിത് യാദവാണ് പകരക്കാരന്‍.