News Now
Delhi Protest: മാർച്ചിൽ പങ്കെടുക്കരുതെന്ന് പൊലീസ്
ഉയര്‍ന്ന മൈലേജ്, ഡസ്റ്ററിന്റെ ഹൈബ്രിഡ് പതിപ്പ് നാളെ വിപണിയില്‍ എത്തും
'അവരില്ലെങ്കിൽ ഞാൻ വെറുമൊരു പുൽക്കൊടി, എങ്ങനെയാണ് നന്ദി പറയേണ്ടതെന്ന് എനിക്കറിയില്ല'; ആരാധകരെക്കുറിച്ച് രജനികാന്ത്
മുഖത്ത് കല്ലുകൊണ്ടിടിച്ചു, മൃതദേഹം പെട്രോളൊഴിച്ച് കത്തിച്ചു; 18-കാരിയെ കൊലപ്പെടുത്തിയത് ക്രൂരമായി
കൊല്‍ക്കത്ത: ബിസിസിഐ പ്രസിഡന്റും ഇന്ത്യന്‍ മുന്‍ നായകനുമായ സൗരവ് ഗാംഗുലിയുടെ മകള്‍ക്ക് കോവിഡ്. ഗാംഗുലിക്ക് കോവിഡ് പോസിറ്റീവായി ദിവസങ്ങള്‍ പിന്നിടും മുന്‍പാണ് മകള്‍ സനയ്ക്കും കോവിഡ് സ്ഥിരീകരിച്ചത്.
സനയ്ക്ക് രോഗ ലക്ഷണങ്ങള്‍ ഇല്ല. വീട്ടില്‍ തന്നെ ഐസൊലേഷനില്‍ കഴിയുകയാണ്. ഗാംഗുലിയുടെ ഭാര്യ ഡോണയുടെ കോവിഡ് ഫലം നെഗറ്റീവാണ്. ഡിസംബര്‍ 27നാണ് ഗാംഗുലിക്ക് കോവിഡ് സ്ഥിരീകരിച്ചത്. ഡെല്‍റ്റ പ്ലസ് വകഭേദമാണ് ബാധിച്ചത്.
കോവിഡ് പോസിറ്റീവായതിന് പിന്നാലെ ഗാംഗുലിയെ ആശുപത്രിയില്‍ പ്രവേശിപ്പിച്ചിരുന്നു. എന്നാല്‍ വലിയ ആരോഗ്യ പ്രശ്‌നങ്ങള്‍ ഉണ്ടാവാതിരുന്നതോടെ ഡിസ്ചാര്‍ജ് ചെയ്തു. ഒമൈക്രോണ്‍ വകഭേദം അല്ല ഗാംഗുലിയെ ബാധിച്ചത് എന്നതും ആശ്വാസമായി.
ഗാംഗുലിക്ക് ആന്റിബോഡി കോക്ടെയ്ല്‍ ചികിത്സ
ആന്റിബോഡി കോക്ടെയ്ല്‍ ചികിത്സയ്ക്കാണ് ഗാംഗുലി കൊല്‍ക്കത്തയിലെ വുഡ്‌ലാന്‍ഡ് ആശുപത്രിയില്‍ വിധേയനായത്. ഗാംഗുലിയുടെ സഹോദരനും കഴിഞ്ഞ വര്‍ഷം കോവിഡ് പോസിറ്റീവായിരുന്നു. കഴിഞ്ഞ വര്‍ഷം ജനുവരിയില്‍ ഹൃദയാഘാതത്തെ തുടര്‍ന്ന് ഗാംഗുലിയെ ആന്‍ജിയോപ്ലാസ്റ്റിക്ക് വിധേയനാക്കിയിരുന്നു.
ആന്‍ജിയോപ്ലാസ്റ്റിക്ക് ശേഷം ഒരു ഇടവേള എടുത്താണ് ഗാംഗുലി വീണ്ടും ബിസിസിഐയുടെ പ്രവര്‍ത്തനങ്ങളില്‍ സജീവമായത്. ബിസിസിഐ സെക്രട്ടറി എന്ന നിലയില്‍ ഉള്‍പ്പെടെ വലിയ നിലയില്‍ യാത്രകള്‍ വേണ്ടി വന്നിരുന്നു. ഇതില്‍ നിന്നാവാം അദ്ദേഹത്തിന് കോവിഡ് പോസിറ്റീവായത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
