സൂര്യകുമാർ യാ​ദവ് 'ഫുൾ വൈബിൽ'- ഭാം​ഗ്ര ‍ഡാൻസുമായി ഇന്ത്യൻ താരങ്ങൾ (വീഡിയോ)

ന്യൂഡൽഹി: ടി20 ലോകകപ്പ് കിരീടവുമായി നാട്ടിൽ മടങ്ങിയെത്തിയ ഇന്ത്യൻ ടീമിന് ഡൽഹി വിമാനത്താവളത്തിൽ ഉജ്ജ്വല വരവേൽപ്പാണ് ആരാധകർ നൽകിയത്. പിന്നാലെ ആരാധകർക്കൊപ്പം ടീം അം​ഗങ്ങൾ നൃത്തച്ചുവടുകളുമായി റോഡിലിറങ്ങി. ഭാം​ഗ്ര നൃത്തച്ചുവടുകളുമായി ഡാൻസേഴ്സിനൊപ്പം താരങ്ങളും ചേരുകയായിരുന്നു.

ക്യാപ്റ്റൻ രോഹിത് ശർമ, ഋഷഭ് പന്ത്, യശസ്വി ജയ്സ്വാൾ എന്നിവരെല്ലാം നൃത്തം വയ്ക്കുന്നുണ്ട്. എന്നാൽ സൂര്യകുമാറാണ് ശരിക്കും നിറഞ്ഞു കളിക്കുന്നത്. ഇതിന്റെ വീഡിയോ വൈറലായി മാറുകയും ചെയ്തു.

രാവിലെ ആറ് മണിയോടെ ചാർട്ടേഡ് വിമാനത്തിലാണ് ടീം അംഗങ്ങൾ രാജ്യത്ത് തിരിച്ചെത്തിയത്. ബാർബഡോസിലെ ചുഴലിക്കാറ്റിനെ തുടർന്നു ഇന്ത്യൻ ടീമിന്റെ മടങ്ങി വരവ് വൈകിയിരുന്നു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

രാവിലെ 9.30 ടീമിനെ പ്രധാനമന്ത്രി, വസതിയിൽ സ്വീകരിക്കും. വൈകീട്ട് മുംബൈയിൽ തുറന്ന ബസിൽ ഒരു കിലോമീറ്ററോളം ടീമിന്റെ പരേഡുമുണ്ട്. അതിനു ശേഷം ബിസിസിഐയുടെ പരിപാടിയുമുണ്ട്.

പരേഡിനു ശേഷം ക്യാപ്റ്റൻ രോഹിത് ശർമ ബിസിസിഐ സെക്രട്ടറി ജയ് ഷായ്ക്ക് ലോകകപ്പ് ട്രോഫി കൈമാറും. അടുത്ത രണ്ട് വർഷത്തേക്ക് ട്രോഫി ബിസിസിഐ ആസ്ഥാനത്ത് തുടരും. ഇന്ന് വൈകീട്ടോടെ കളിക്കാർ അവരവരുടെ നാട്ടിലേക്ക് പോകും.