4 വിക്കറ്റും 31 റണ്‍സും; ഓള്‍ റൗണ്ട് 'ക്യാപ്റ്റന്‍ രാധ'; ശ്രീലങ്കയെ തകര്‍ത്ത് ഇന്ത്യന്‍ വനിതകള്‍ ഏഷ്യാ കപ്പ് ഫൈനലില്‍
സെമിയില്‍ ഇന്ത്യക്ക് 5 വിക്കറ്റ് ജയം
Womens Asia Cup Rising Starsx
Edited by :രഞ്ജിത്ത് കാർത്തിക
Last Updated :20 ഫെബ്രുവരി 2026, 10:54 am IST
ബാങ്കോക്ക്: ശ്രീലങ്ക എ വനിതാ ടീമിനെ തകര്‍ത്തെറിഞ്ഞ് ഇന്ത്യ എ വനിതാ ടീം വനിതാ ഏഷ്യാ കപ്പ് റൈസിങ് സ്റ്റാര്‍സ് ടി20 പോരാട്ടത്തിന്റെ ഫൈനലില്‍. സെമിയില്‍ 5 വിക്കറ്റിന്റെ ജയം സ്വന്തമാക്കിയാണ് ഇന്ത്യന്‍ വനിതകള്‍ കലാശപ്പോരിലേക്ക് കുതിച്ചെത്തിയത്. രണ്ടാം സെമിയിൽ ബംഗ്ലാദേശ്- പാകിസ്ഥാൻ പോരാട്ടം. ഇതിൽ ജയിക്കുന്ന ടീം ഫൈനലിൽ ഇന്ത്യയുടെ എതിരാളികൾ.
ആദ്യം ബാറ്റ് ചെയ്ത ശ്രീലങ്കയെ 19.4 ഓവറില്‍ 118 റണ്‍സിനു പുറത്താക്കാന്‍ ഇന്ത്യക്കു സാധിച്ചു. വിജയ ലക്ഷ്യമായ 119 റണ്‍സ് ഇന്ത്യ വെറും 13.3 ഓവറില്‍ 5 വിക്കറ്റ് മാത്രം നഷ്ടപ്പെടുത്തി അടിച്ചെടുത്തു.
ഇന്ത്യക്കായി ഓപ്പണര്‍ ദിനേഷ് വൃന്ദ 42 റണ്‍സെടുത്ത് ടോപ് സ്‌കോററായി. താരം 20 പന്തില്‍ 8 ഫോറുകള്‍ സഹിതമാണ് അതിവേഗം റണ്‍സടിച്ചത്. അനുഷ്‌ക ശര്‍മ 18 പന്തില്‍ 5 ഫോറുകള്‍ സഹിതം 27 റണ്‍സും കണ്ടെത്തി.
ശ്രീലങ്കയുടെ ബാറ്റിങ് സമയത്ത് ബൗളിങില്‍ തിളങ്ങിയ ക്യാപ്റ്റന്‍ രാധ യാദവ് ബാറ്റിങിലും മികവ് പുലര്‍ത്തി ജയത്തില്‍ നിര്‍ണായക പങ്ക് വഹിച്ചു. ക്യാപ്റ്റന്‍ പുറത്താകാതെ 18 പന്തില്‍ 7 ഫോറുകള്‍ സഹിതം 31 റണ്‍സ് അടിച്ചെടുത്തു. മലയാളി താരം മിന്നു മണി 2 റണ്‍സുമായി റണ്ണൗട്ടായി മടങ്ങി.
നേരത്തെ 3.4 ഓവറില്‍ 19 റണ്‍സ് മാത്രം വഴങ്ങി 4 വിക്കറ്റുകള്‍ വീഴ്ത്തി രാധ യാദവ് ഇന്ത്യന്‍ ടീമിനെ മുന്നില്‍ നിന്നു നയിച്ചതോടെയാണ് ലങ്കന്‍ വനിതകള്‍ 118ല്‍ ഒതുങ്ങിയത്. തനുജ കന്‍വാര്‍, പ്രേമ റാവത്ത് എന്നിവര്‍ രണ്ട് വീതം വിക്കറ്റുകള്‍ വീഴ്ത്തി. ശേഷിച്ച രണ്ട് വിക്കറ്റുകള്‍ മിന്നു മണി, സയ്മ ഠാക്കൂര്‍ എന്നിവര്‍ പങ്കിട്ടു.
ലങ്കന്‍ നിരയില്‍ നാല് താരങ്ങള്‍ മാത്രമാണ് രണ്ടക്കം കടന്നത്. 31 റണ്‍സെടുത്ത സഞ്ജന കവിന്ദിയാണ് ടോപ് സ്‌കോറര്‍. 22 റണ്‍സെടുത്ത ഷഷിനി ജിംഹാനി, 15 റണ്‍സെടുത്ത സത്യ സന്ദീപനി, 14 റണ്‍സെടുത്ത ഹന്‍സിമ കരുണരത്‌നെ എന്നിവരാണ് പിടിച്ചു നിന്ന മറ്റുള്ളവര്‍.
WHAT TO READ NEXT
കിരീട മോഹത്തിന് തിരിച്ചടി? ഗണ്ണേഴ്‌സിനെ കുരുക്കി വൂള്‍വ്‌സ്
News Now
15 ലക്ഷം രൂപ നിക്ഷേപിച്ചാല്‍ മാസ വരുമാനമായി എത്ര കിട്ടും?; അറിയാം ഈ പോസ്റ്റ് ഓഫീസ് സ്‌കീം
അതിശക്ത മഴ മുന്നറിയിപ്പ്; 5 ജില്ലകളില്‍ ഓറഞ്ച് അലര്‍ട്ട്
ഹര്‍ദീപ് പുരിയെ ഒഴിവാക്കി, 8 രാജ്യസഭാ സ്ഥാനാര്‍ഥികളെ പ്രഖ്യാപിച്ച് ബിജെപി; കേന്ദ്ര മന്ത്രിസഭ പുനഃസംഘടനയിലേക്ക്?
മുഖ്യമന്ത്രിക്കെതിരെ പരാതിയുമായി അടൂര്‍ പ്രകാശ് ഹൈക്കമാന്‍ഡിന് മുന്നില്‍; ഖാര്‍ഗെയുമായി കൂടിക്കാഴ്ച നടത്തി
Summary
Womens Asia Cup Rising Stars semifinal updates as Radha Yadav leads the Indian girls in Bangkok
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
