മുന്നില്‍ നിന്ന് നയിച്ച് ആഷ്‌ലി ഗാര്‍ഡ്‌നര്‍; യുപി വാരിയേഴ്‌സിന് മുന്നില്‍ 208 റണ്‍സ് വിജയ ലക്ഷ്യം വച്ച് ഗുജറാത്ത് ജയന്റ്‌സ്

41 പന്തില്‍ 65 അടിച്ച് ആഷ്‌ലി

wpl x

Edited by :രഞ്ജിത്ത് കാർത്തിക

Last Updated :10 ജനുവരി 2026, 5:20 pm IST

മുംബൈ: വനിതാ പ്രീമിയര്‍ ലീഗിലെ ഇന്നത്തെ ആദ്യ പോരാട്ടത്തില്‍ യുപി വാരിയേഴ്‌സിനു മുന്നില്‍ 208 റണ്‍സ് വിജയ ലക്ഷ്യം വച്ച് ഗുജറാത്ത് ജയന്റ്‌സ്. ആദ്യം ബാറ്റ് ചെയ്ത ഗുജറാത്ത് 4 വിക്കറ്റ് നഷ്ടത്തില്‍ 207 റണ്‍സെടുത്തു.

41 പന്തില്‍ 65 റണ്‍സെടുത്ത ക്യാപ്റ്റന്‍ ആഷ്‌ലി ഗാര്‍ഡ്‌നറാണ് ഗുജറാത്തിന്റെ ടോപ് സ്‌കോറര്‍. 6 ഫോറും 3 സിക്‌സും സഹിതമാണ് ക്യാപ്റ്റന്റെ ഇന്നിങ്‌സ്.

സോഫി ഡിവൈന്‍ 20 പന്തില്‍ 38 റണ്‍സെടുത്തു. 5 ഫോറും 2 സിക്‌സും സഹിതമാണ് താരത്തിന്റെ ബാറ്റിങ്. അനുഷ്‌ക ശര്‍മയും തിളങ്ങി. താരം 30 പന്തില്‍ 44 റണ്‍സിലെത്തി.

WHAT TO READ NEXT

'കിട്ടാനുള്ളത് എനിക്ക് തന്നെ കിട്ടും, ആര് വിചാരിച്ചാലും മാറില്ല'

10 പന്തില്‍ 3 സിക്‌സും ഒരു ഫോറും സഹിതം 27 റണ്‍സടിച്ച് ജോര്‍ജിയ വരേം സ്‌കോര്‍ 200 കടത്തി. ഭാരതി ഫുല്‍മാലി 7 പന്തില്‍ 2 സിക്‌സുകള്‍ സഹിതം 14 റണ്‍സും കണ്ടെത്തി. ഇരുവരും പുറത്താകാതെ നിന്നു.

യുപിയ്ക്കായി സോഫി എക്ലസ്റ്റോണ്‍ 2 വിക്കറ്റെടുത്തു. ശിഖ പാണ്ഡെ, ദിയേന്ദ്ര ഡോട്ടിന്‍ എന്നിവര്‍ ഓരോ വിക്കറ്റെടുത്തു.