3 കിടിലന്‍ സെഞ്ച്വറികള്‍! കിവികള്‍ 'റണ്‍മല' പണിയുന്നു...
സിംബാബ്‌വെക്കെതിരായ രണ്ടാം ടെസ്റ്റില്‍ ശതകങ്ങളുമായി ഡെവോണ്‍ കോണ്‍വെ, ഹെന്റി നിക്കോള്‍സ്, രചിന്‍ രവീന്ദ്ര
രചിന്‍ രവീന്ദ്ര, ഡെവോണ്‍ കോണ്‍വെ, ഹെന്റി നിക്കോള്‍സ് (Zimbabwe vs New Zealand)x
Edited by :renjith.k
Last Updated :9 ഓഗസ്റ്റ് 2025, 9:41 am IST
ബുലവായോ: സിംബാബ്‌വെക്കെതിരായ രണ്ടാം ക്രിക്കറ്റ് ടെസ്റ്റില്‍ പടുകൂറ്റന്‍ സ്‌കോറുയര്‍ത്തി ന്യൂസിലന്‍ഡ്. 3 സെഞ്ച്വറികളുടെ ബലത്തില്‍ കിവികള്‍ 3 വിക്കറ്റ് നഷ്ടത്തില്‍ 601 റണ്‍സെന്ന നിലയില്‍. സിംബാബ്‌വെയെ വെറും 125 റണ്‍സില്‍ പുറത്താക്കിയ ന്യൂസിലന്‍ഡിന് നിലവില്‍ 476 റണ്‍സിന്റെ ലീഡുണ്ട്.
ഓപ്പണര്‍ ഡെവോണ്‍ കോണ്‍വെ, ഹെന്റി നിക്കോള്‍സ്, രചിന്‍ രവീന്ദ്ര എന്നിവരാണ് സെഞ്ച്വറി നേടിയത്. കോണ്‍വെ 153 റണ്‍സെടുത്തു മടങ്ങി. രണ്ടാം ദിനം കളി നിര്‍ത്തുമ്പോള്‍ നിക്കോള്‍സ് 150 റണ്‍സുമായും രചിന്‍ 165 റണ്‍സുമായും ബാറ്റിങ് തുടരുന്നു. രചിന്‍ 139 പന്തില്‍ 21 ഫോറും 2 സിക്‌സും പത്തിയാണ് 165ല്‍ എത്തിയത്. നിക്കോള്‍ 15 ഫോറും കോണ്‍വെ 18 ഫോറും തൂക്കി.
ഓപ്പണര്‍ വില്‍ യങ് 74 റണ്‍സെടുത്തു ഔട്ടായി. 36 റണ്‍സെടുത്ത ജേക്കബ് ഡഫിയാണ് പുറത്തായ മറ്റൊരാള്‍. ഒന്നാം ഇന്നിങ്സ് ബാറ്റിങ് തുടങ്ങിയ ന്യൂസിലന്‍ഡിനായി മികച്ച തുടക്കമാണ് ഡോവോണ്‍ കോണ്‍വോ- വില്‍ യങ് സഖ്യം നല്‍കിയത്. ഒന്നാം വിക്കറ്റില്‍ 162 റണ്‍സ് നേടിയാണ് ഇരുവരും പിരിഞ്ഞത്.
ഒന്നാം ടെസ്റ്റിനു സമാനമായി മാറ്റ് ഹെന്റിയുടെ പേസ് ബൗളിങിനു മുന്നില്‍ സിംബാബ്വെ ബാറ്റിങ് നിര കടപുഴകി വീഴുകയായിരുന്നു. ഇടവേളയ്ക്കു ശേഷം ടീമിലേക്ക് തിരിച്ചെത്തിയ വെറ്ററന്‍ താരം ബ്രണ്ടന്‍ ടെയ്ലര്‍, തഫദ്സ്വ ടിസിഗ എന്നിവരൊഴികെ മറ്റൊരാളും ക്രീസില്‍ അധികം നിന്നില്ല. ടെയ്ലര്‍ 44 റണ്‍സും ടിസിഗ 33 റണ്‍സും കണ്ടെത്തി. ഇരുവരും പിടിച്ചു നിന്നില്ലായിരുന്നുവെങ്കില്‍ സിംബാബ്വെ 100 പോലും എത്തുമായിരുന്നില്ല.
ഒന്നാം ടെസ്റ്റില്‍ രണ്ടിന്നിങ്സിലുമായി 9 വിക്കറ്റുകള്‍ വീഴ്ത്തിയ ഹെന്റി രണ്ടാം ടെസ്റ്റിലും സിംബാബ്വെ ബാറ്റര്‍മാരുടെ അന്തകനായി. താരം 15 ഓവറില്‍ 40 റണ്‍സ് മാത്രം വഴങ്ങി 5 വിക്കറ്റുകള്‍ വീഴ്ത്തി. സകരി ഫോള്‍ക്സ് 4 വിക്കറ്റുകള്‍ സ്വന്തമാക്കി. ശേഷിച്ച ഒരു വിക്കറ്റ് മാത്യു ഫിഷര്‍ വീഴ്ത്തി.
WHAT TO READ NEXT
'ഇത് ഔട്ടാണോ, അതോ നോട്ടൗട്ടോ?' (വിഡിയോ)
News Now
ഹര്‍ദീപ് പുരിയെ ഒഴിവാക്കി, 8 രാജ്യസഭാ സ്ഥാനാര്‍ഥികളെ പ്രഖ്യാപിച്ച് ബിജെപി; കേന്ദ്ര മന്ത്രിസഭ പുനഃസംഘടനയിലേക്ക്?
മുഖ്യമന്ത്രിക്കെതിരെ പരാതിയുമായി അടൂര്‍ പ്രകാശ് ഹൈക്കമാന്‍ഡിന് മുന്നില്‍; ഖാര്‍ഗെയുമായി കൂടിക്കാഴ്ച നടത്തി
സിസിടിവി ദൃശ്യങ്ങൾ 18 മാസങ്ങൾ സൂക്ഷിക്കണമെന്നാണ് നിയമം
'ഉത്കണ്ഠയ്ക്കുള്ള മരുന്നുകള്‍ വീണ്ടും കഴിച്ചു തുടങ്ങി, ഏറ്റവും ബുദ്ധിമുട്ടേറിയ ആഴ്ചകള്‍'; കുറിപ്പുമായി അഞ്ജു ജോസഫ്
Summary
Zimbabwe vs New Zealand: Rachin Ravindra and Henry Nicholls hammered massive 150s to power New Zealand past the 600-run mark at the stumps.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
