പറയുന്ന പണി എടുക്കും; ഇമെയില്‍ നോക്കും, സ്പ്രെഡ്ഷീറ്റ് അപ്ഡേറ്റ് ചെയ്യും; ഇന്ത്യയില്‍ ജെമിനി സ്പാര്‍ക്ക് പുറത്തിറക്കി ഗൂഗിള്‍
Google's Gemini
Edited by :Amal Joy
Last Updated :14 ഓഗസ്റ്റ് 2026, 2:34 pm IST
ന്യൂഡല്‍ഹി: ഇന്ത്യയില്‍ എഐ ഏജന്റായ ജെമിനി സ്പാര്‍ക്ക് പുറത്തിറക്കി ഗൂഗിള്‍. ആപ്പുകളിലെ വിവരങ്ങള്‍ വിശകലനം ചെയ്യാനും ഉപയോക്താവിന്റെ നിര്‍ദേശാനുസരണം അവര്‍ക്കുവേണ്ടി സ്വയം കാര്യങ്ങള്‍ ചെയ്യാനും ജെമിനി സ്പാര്‍ക്കിന് കഴിയും. ഉപയോക്താക്കളുടെ ഡിജിറ്റല്‍ ജീവിതത്തിലെ ദൈനംദിന ജോലികള്‍ എളുപ്പമാക്കുക എന്ന ലക്ഷ്യത്തോടെയാണ് ഗൂഗിള്‍ ഇത് രൂപകല്പന ചെയ്തിരിക്കുന്നത്.
പെയിഡ് ജെമിനി ഉപയോക്താക്കള്‍ക്കാണ് നിലവില്‍ ലഭ്യമാകുക. വരും ആഴ്ചകളില്‍ ഗൂഗിള്‍ എഐ പ്രോ, അള്‍ട്രാ സബ്സ്‌ക്രൈബര്‍മാര്‍ക്കും ലഭ്യമാകും. ഉപയോക്താവിന്റെ നിര്‍ദ്ദേശപ്രകാരം ദൈര്‍ഘ്യമേറിയ ജോലികള്‍ പൂര്‍ത്തിയാക്കാന്‍ കഴിയുന്ന എഐ സിസ്റ്റങ്ങളിലേക്കുള്ള പ്രോംപ്റ്റുകള്‍ക്ക് അനുസരിച്ചാകും ഇവ പ്രവര്‍ത്തിക്കുക.
സ്റ്റാന്‍ഡേര്‍ഡ് ജെമിനിയില്‍ നിന്ന് വ്യത്യസ്തമായി, സ്പാര്‍ക്ക് ഗൂഗിളിന്റെ ക്ലൗഡ് ഇന്‍ഫ്രാസ്ട്രക്ചറിലാണ് പ്രവര്‍ത്തിക്കുന്നത്. ഉപയോക്താവ് ലാപ്ടോപ്പ് അടച്ചാലോ ഫോണ്‍ ലോക്ക് ചെയ്തതിനുശേഷമോ ജെമിനി സ്പാര്‍ക്ക് പ്രവര്‍ത്തിക്കും. ഇമെയിലുകള്‍ നിരീക്ഷിക്കാനോ, സ്പ്രെഡ്ഷീറ്റ് അപ്ഡേറ്റ് ചെയ്യാനോ, വീക്ക്‌ലി ബ്രീഫിങ് തയ്യാറാക്കാനോ, തുടങ്ങിയ ജോലികള്‍ ചെയ്യാനോ നിര്‍ദേശങ്ങള്‍ നല്‍കാം.
എന്താണ് ജെമിനി സ്പാര്‍ക്ക്?
ജെമിനി 3.5 സാങ്കേതികവിദ്യയില്‍ പ്രവര്‍ത്തിക്കുന്ന ഈ ജനറല്‍ പര്‍പ്പസ് എഐ ഏജന്റ്, ആപ്പുകളിലെ വിവരങ്ങള്‍ വിശകലനം ചെയ്യാനും ഉപയോക്താവിന്റെ നിര്‍ദേശാനുസരണം അവര്‍ക്കുവേണ്ടി സ്വയം കാര്യങ്ങള്‍ ചെയ്യാനും പ്രാപ്തമാണ്. ഉപയോക്താക്കളുടെ ഡിജിറ്റല്‍ ജീവിതത്തിലെ ദൈനംദിന ജോലികള്‍ എളുപ്പമാക്കുക എന്ന ലക്ഷ്യത്തോടെയാണ് ഗൂഗിള്‍ ഇത് രൂപകല്പന ചെയ്തിരിക്കുന്നത്. എന്നാല്‍ 24 മണിക്കൂറും സജീവമായിരിക്കുന്ന എഐ സംവിധാനങ്ങളെക്കുറിച്ച് സുരക്ഷാ ആശങ്കകള്‍ നിലനില്‍ക്കുന്നുണ്ടെങ്കിലും ഇമെയില്‍ അയക്കുകയോ സാധനങ്ങള്‍ വാങ്ങുകയോ പോലുള്ള സുപ്രധാന ജോലികള്‍ ചെയ്യുന്നതിനുമുമ്പ് ഉപയോക്താവിന്റെ അനുമതി വാങ്ങുംവിധമാണ് അത് രൂപകല്പന ചെയ്തിരിക്കുന്നത്.
WHAT TO READ NEXT
എന്നും ചാര്‍ജ് ചെയ്യണ്ട, ഫോണ്‍ ഓഫാകില്ല, ഇക്കാര്യങ്ങള്‍ ശ്രദ്ധിക്കാം
ഇന്ത്യയില്‍ സബ്‌സ്‌ക്രിപ്ഷന്‍
ഇന്ത്യയില്‍ ഗൂഗിള്‍ എഐ പ്രോ, എഐ. അള്‍ട്രാ ഉപയോക്താക്കള്‍ക്കാണ് ഈ സേവനം ലഭ്യമാകുന്നത്. ഗൂഗിള്‍ എഐ പ്രോ: മാസം 1,950 രൂപ മുതല്‍ തുടങ്ങുന്നു. ഗൂഗിള്‍ എഐ അള്‍ട്രാ: മാസം 6,500 രൂപ മുതല്‍ 19,500 രൂപ വരെ (സ്റ്റോറേജ്, ഉപയോഗ പരിധി അനുസരിച്ച്). വില കുറഞ്ഞ ഗൂഗിള്‍ എഐ പ്ലസ് പ്ലാനുകളില്‍ നിലവില്‍ ജെമിനി സ്പാര്‍ക്ക് ലഭ്യമല്ല
News Now
മുന്നറിയിപ്പില്‍ വീണ്ടും മാറ്റം; പത്ത് ജില്ലകളില്‍ യെല്ലോ അലര്‍ട്ട്; 50 കിലോമീറ്റര്‍ വേഗതയില്‍ ശക്തമായ കാറ്റിനും സാധ്യത
'പാലപ്പൂ' ചിത്രീകരണം ആരംഭിച്ചു; സിദ്ധാർത്ഥ് ഭരതനും ബേബി ജീനും സിജു സണ്ണിയും പ്രധാന വേഷങ്ങളിൽ
അജ്ഞാത ആപ്പുകളോ ഫയലുകളോ ഫോണില്‍ ഉപയോഗിക്കരുത്; പണം കാലിയാകും, പൊലീസ് മുന്നറിയിപ്പ്
ബംഗാളിലെ 'താരസുന്ദരി'; നടി രുക്മിണി മല്ലിക് ബിജെപിയില്‍
Summary
Google rolls out Gemini Spark in India
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
