അധികം ശ്രദ്ധ കൊടുക്കാതെ തന്നെ വീട്ടിലും ഫ്ലാറ്റുകളിലും വളർത്തിയെടുക്കാവുന്ന മനോഹരമായൊരു ചെടിയാണ് ശംഖുപുഷ്പം..എന്നാൽ ശംഖുപുഷ്പം വളർത്തുമ്പോൾ ചില കാര്യങ്ങൾ ശ്രദ്ധിക്കേണ്ടതായി ഉണ്ട്..ബാൽക്കണിയിൽ രാവിലെയും വൈകുന്നേരവും നന്നായി സൂര്യപ്രകാശം ലഭിക്കുന്ന ഭാഗത്ത് ചെടി നടുന്നതാണ് നല്ലത് ഇത് ശംഖുപുഷ്പം നന്നായി വളരാനും, ദീർഘകാലം പൂക്കൾ ഉണ്ടാകാനും സഹായിക്കും..ഏകദേശം 8 മുതൽ 12 ഇഞ്ച് വരെ ആഴവും 12 മുതൽ 14 ഇഞ്ച് വരെ വീതിയുമുള്ള ഒരു ചട്ടി നടാനുപയോഗിക്കാം..നീർവാർച്ചയ്ക്കായി ചട്ടിയിൽ ദ്വാരങ്ങളുണ്ടെന്ന് ഉറപ്പാക്കണം. കെട്ടിക്കിടക്കുന്ന വെള്ളം വേരുകളെ കേടുവരുത്തും..ചട്ടിയിൽ അയഞ്ഞ പോട്ടിങ് മിശ്രിതം, കുറച്ച് കമ്പോസ്റ്റ് എന്നിവയിട്ട് മണ്ണ് വായുസഞ്ചാരമുള്ളതാക്കാം..ശംഖുപുഷ്പത്തിന്റെ വിത്തുകൾ പാകിയാലും മുളയ്ക്കുമെങ്കിലും ഏതാനും മണിക്കൂറുകളോ രാത്രി മുഴുവനോ വെള്ളത്തിൽ കുതിർത്തുവെക്കുന്നത് വിത്തുകളുടെ പുറംതൊലി മൃദുലമാകാനും മുള പെട്ടെന്ന് വരാനും സഹായിക്കും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
