കാലിനുണ്ടാകുന്ന വേദനയും നീരുമൊന്നും നിസ്സാരമാക്കരുതെന്ന് ആരോഗ്യവിദഗ്ധർ പലപ്പോഴും ചൂണ്ടിക്കാണിക്കാറുണ്ട്. ഇതൊരു പക്ഷെ ഹൃദയാരോഗ്യമോ വൃക്കകളോ തകരാറിലാകുന്നതിന്റെ ആദ്യ സൂചനയാകാം..കാലിലെ നീർവീക്കംകാലുകളിലെ നീർവീക്കത്തിനൊപ്പം ശ്വാസതടസം പോലുള്ള ലക്ഷണങ്ങൾ കണ്ടാൽ അവഗണിക്കരുത്. ശരീരത്തിലെ കോശങ്ങളിൽ ദ്രാവകം അടിഞ്ഞുകൂടാന്നതാണ് വീക്കം ഉണ്ടാകുന്നത്. ഇത് ഹൃദയാരോഗ്യം താറുമാറാകുന്നതിന്റെ ലക്ഷണമാണ്..കാലിന് മരവിപ്പ്അടിക്കടി കാലുകളിൽ മരവിപ്പ് അനുഭവപ്പെടുന്നുവെങ്കിൽ സൂക്ഷിക്കണം. ഇത് പെരിഫറൽ ആർട്ടറി ഡിസീസ് (പിഎഡി) എന്ന ആരോഗ്യപ്രശ്നത്തിന്റെ ലക്ഷണമാകാം. അതായത്, കാലിലെ ധമനികളിൽ പ്ലാക്ക് അടിഞ്ഞുകൂടുന്ന അവസ്ഥയാണ്..രാത്രിയിൽ കാലിലെ മസിൽ വേദനരാത്രി കിടക്കുമ്പോൾ ഇടയ്ക്കിടെ മസിൽ വേദന ഉണ്ടാകുന്നത് സൂക്ഷിക്കണം. രക്തയോട്ടം മോശമാകുന്നതും വൃക്ക സംബന്ധമായ പ്രശ്നങ്ങളും കാരണം ഇത് സംഭവിക്കാം. ചില മരുന്നുകളുടെ പാർശ്വഫലമായും മസിലു വേദന ഉണ്ടാകാം..കാലിന്റെ ചർമത്തിന് നിറം വ്യത്യാസപ്പെടുകകാൽ പാദത്തിലെ ചർമത്തിന് ഒരു ചുവപ്പ് കലർന്ന തവിട്ട് അല്ലെങ്കിൽ പർപ്പിൾ പോലുള്ള ഇരുണ്ട നിറം അനുഭവപ്പെടാറുണ്ടോ? വെനസ് സ്റ്റാസിസ് ഡെർമറ്റൈറ്റിസ് കാരണമാണ് ഇങ്ങനെ സംഭവിക്കുന്നത്. ഇത് ക്രോണിക് വെനസ് ഇൻസഫിഷൻസി (സിവിഐ) രോഗികളിലാണ് കാണപ്പെടാറുള്ളത്..കാലിൽ ഇക്കിളിദീർഘനേരം കാലുകൾ അനക്കാതെ വയ്ക്കുമ്പോൾ കാലിൽ മരവിപ്പും ഇക്കളിയും താൽക്കാലികമായി ഉണ്ടാകാം. എന്നാൽ ഇത് സ്ഥിരമായാൽ പ്രമേഹ സൂചനയായി കാണാം. കാലുകളിൽ സൂചി കുത്തുന്ന പോലെയുള്ള സംവേദനങ്ങളുടെ സാന്നിധ്യം പ്രമേഹ ന്യൂറോപ്പതിയെ സൂചിപ്പിക്കുന്നു..പെട്ടെന്ന് ചുവപ്പ് നിറംകാലിൽ അസാധാരണമായി ചുവപ്പ് നിറം ശ്രദ്ധയിൽ പെട്ടാൽ, അത് അവഗണിക്കരുത്. ഇത് ഡീപ് വെയ്ൻ ത്രോംബോസിസിന്റെ (DVT) സാധ്യതയുള്ള ലക്ഷണമാണെന്ന് വിദഗ്ധർ ചൂണ്ടിക്കാണിക്കുന്നു. ഡിവിടി രക്തം കട്ടപിടിക്കുന്ന അവസ്ഥയാണ്.
