സെറോടോണിൻ, ഡോപ്പമൈൻ, എൻഡോർഫിൻ എന്നിവയാണ് സന്തോഷ ഹോർമോണുകൾ എന്ന് വിശേഷിപ്പിക്കുന്നത്. ചില പഴങ്ങൾക്ക് ഇവയെ ഉത്തേജിപ്പിക്കാനുള്ള കഴിവുണ്ട്..ഇത് മാനസിക സമ്മർദവും പിരിമുറുക്കവും ലഘൂകരിച്ച് മാനസികാവസ്ഥ മെച്ചപ്പെടുത്താൻ സഹായിക്കും. ട്രിപ്റ്റോഫാൻ, വിറ്റാമിൻ ബി6, ആന്റിഓക്സിഡന്റുകൾ എന്നിവയാൽ സമ്പന്നമായ പഴങ്ങൾ ദിവസവും കഴിക്കുന്നത് മൂഡ് നന്നാക്കാൻ സഹായിക്കും..വാഴപ്പഴംവാഴപ്പഴത്തിൽ അമിനോ ആസിഡ് ആയ ട്രിപ്റ്റോഫാൻ, വിറ്റാമിൻ ബി6 എന്നിവ അടങ്ങിയിട്ടുണ്ട്. ട്രിപ്റ്റോഫാൻ ശരീരത്തിലെത്തുമ്പോൾ സെറോടോണിൻ ആയി മാറുകയും ഇത് മാനസികാവസ്ഥ മെച്ചപ്പെടുത്താൻ സഹായിക്കുകയും ചെയ്യുന്നു..ബെറിപ്പഴങ്ങൾബ്ലൂബെറി, സ്ട്രോബെറി, റാസ്ബെറി പോലുള്ള ബെറിപ്പഴങ്ങളിൽ ഓക്സിഡേറ്റീവ് സമ്മർദവും വീക്കവും ചെറുക്കാൻ സഹായിക്കുന്ന ആന്റിഓക്സിഡന്റുകളും ഫ്ലേവനോയിഡുകളും അടങ്ങിയിട്ടുണ്ട്. ഇവ സെറോടോണിൻ ഡോപ്പമൈൻ ഉൽപാദനത്തെ പ്രോത്സാഹിപ്പിക്കും..പൈനാപ്പിൾ ഇതിൽ ഉയർന്ന അളവിൽ സെറോടോണിൻ അടങ്ങിയിട്ടുണ്ട്, ഇത് നേരിട്ട് അളവ് വർധിപ്പിക്കാൻ സഹായിക്കുന്നു..സിട്രസ് പഴങ്ങൾ വിറ്റാമിൻ സി ധാരാളം അടങ്ങിയ ഇവ മാനസികാവസ്ഥ മെച്ചപ്പെടുത്തുന്നതിനും സമ്മർദ്ദ നില കുറയ്ക്കുന്നതിനും സഹായിക്കുന്നു..തേങ്ങ മീഡിയം ചെയിൻ ട്രൈഗ്ലിസറൈഡുകൾ ധാരാളം അടങ്ങിയ തേങ്ങ, ശരീര ഊർജ്ജം വർധിപ്പിക്കാനും ഉത്കണ്ഠ കുറയ്ക്കാനും സഹായിക്കും..അവോക്കാഡോകൾ ഡോപ്പമൈൻ ഉത്പാദിപ്പിക്കാൻ ആവശ്യമായ അമിനോ ആസിഡായ ടൈറോസിൻ അവോക്കാഡോയിൽ അടങ്ങിയിട്ടുണ്ട്.
