കേരളത്തിലെ ഭക്ഷണത്തിന്റെ ലിസ്റ്റെടുത്താൽ അതിൽ ആദ്യ സ്ഥാനങ്ങളിലെത്തും പുട്ട്..പുട്ട് , അതൊപ്പൊഴും കേരളീയർക്ക് ഒരു വികാര വിഭവം ആണ്..എന്നാൽ അത്ര എളുപ്പവും അല്ല നല്ലൊരു പുട്ട് ഉണ്ടാക്കാനും..എത്ര ശ്രമിച്ചാലും ചില സമയങ്ങളിൽ പുട്ട് കല്ലുപോലെ ആകാറില്ലേ..ചില കാര്യങ്ങൾ ശ്രദ്ധിച്ചാൽ നമുക്ക് നല്ല സോഫ്റ്റായ പുട്ട് ഉണ്ടാക്കാൻ പറ്റും..പച്ചരി ഉപയോഗിച്ചാണ് സാധാരണ പുട്ട് തയ്യാറാക്കാറുള്ളത്. ഈർപ്പമില്ലാതെ ഉണക്കിയെടുത്ത പച്ചരി നന്നായി പൊടിച്ചു വേണം ഉപയോഗിക്കാൻ..ചെറുചൂടുള്ള വെള്ളം ഒഴിച്ച് വേണം പുട്ട് പൊടി നനച്ചെടുക്കാൻ. വെള്ളം കുറച്ചു കുറച്ചു ഒഴിച്ച്കൊടുത്ത് വേണം പൊടി നനയ്ക്കാൻ..വെള്ളം ഒഴിച്ച് നനയ്ക്കുമ്പോൾ പുട്ട് പൊടി കട്ട പിടിക്കാതെ നോക്കണം. പൂർണ്ണമായും പുട്ട്പൊടി നനച്ചു കഴിഞ്ഞാൽ അൽപം പോലും കട്ടകൾ ഇല്ലെന്ന് ഉറപ്പാക്കാം..പുട്ട് ഉണ്ടാക്കുമ്പോൾ പുട്ട് കുറ്റിയിലൂടെ ആവി വന്നു തുടങ്ങുമ്പോൾ തന്നെ അടുപ്പിൽ നിന്നും മാറ്റണം. അമിതമായി ആവി ഏൽക്കുന്നത് പൊടി വരണ്ടു പോകുന്നതിന് കാരണമാകും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
