ജോലിയിലും വൃക്തിജീവിതത്തിലും ഉണ്ടാകുന്ന തിരക്ക് പലരെയും മാനസിക സമ്മർദങ്ങളിലേക്ക് തള്ളിവിടാറുണ്ട്. ശാരീരികമായി ബാധിക്കുന്നതു വരെ മിക്കയാളുകളും മാനസികസമ്മർദത്തെ ഗൗരവത്തിൽ എടുക്കാറില്ല..കഠിനമായ ക്ഷീണം, തലവേദന, താൽപര്യക്കുറവ്, ശ്രദ്ധ കേന്ദ്രീകരിക്കാനുള്ള ബുദ്ധമുട്ട് തുടങ്ങിയവ മാനസികമായി സമ്മർദത്തിലാകുന്നതിൻ്റെ സൂചനകളാണ്. സമ്മർദം ആരോഗ്യകരമായി കൈകാര്യം ചെയ്യേണ്ടതിന് ചില മുൻകരുതൽ സ്വീകരിക്കേണ്ടതുണ്ട്..വ്യായാമംഒരു ദിവസം കുറഞ്ഞത് 30 മിനിറ്റ് വ്യായാമത്തിനായി മാറ്റിവയ്ക്കണം. നടത്തം, യോഗ അല്ലെങ്കിൽ ലളിതമായ വ്യായാമങ്ങൾ ചെയ്യാം. ഇത് മനസ്സ് റിലാക്സ് ചെയ്യാൻ സഹായിക്കും..ഉറക്കംആവശ്യത്തിന് ഉറക്കം ലഭിക്കുന്നുണ്ടെന്ന് ഉറപ്പാക്കുക. രാത്രി ഏഴ് മുതൽ എട്ട് മണിക്കൂർ ഉറങ്ങുന്നത് മാനസികാരോഗ്യം മെച്ചപ്പെടുത്താൻ സഹായിക്കും..ശ്വസന വ്യായാമംശ്വസന വ്യായാമം പരിശീലിക്കുന്നതും ധ്യാനം ചെയ്യുന്നതും മനസ്സിലെ ശാന്തമാക്കാൻ സഹായിക്കുന്നതാണ്. രാവിലെയും രാത്രി കിടക്കുന്നതിനും മുൻപുമായി ശ്വസനവ്യായാമം ചെയ്യുന്നത് മനസികാവസ്ഥ മെച്ചപ്പെടുത്താൻ സഹായിക്കും..വർക്ക്-ലൈഫ് ബാലൻസ്കൂടുതൽ ആളുകളും പ്രയാസപ്പെടുന്നത് വർക്ക്-ലൈഫ് ബാലൻ ഉണ്ടാക്കിയെടുക്കാൻ ആണ്. ജോലിയിലെ സമ്മർദം വീട്ടിലേക്കും എത്തിക്കും. ഇത് കുടുംബന്ധങ്ങളിലും വ്യക്തിജീവിതത്തെയും ബാധിക്കാം..ഹോബികൾ കൈവിടാതിരിക്കുകപുസ്തക വായന, സംഗീതം, ഗാർഡനിങ്, പാചകം പോലുള്ള ഇഷ്ടപ്പെട്ട പ്രവർത്തനങ്ങളിൽ ഏർപ്പെടാം. ഇത് മാനസിക സമ്മർദം കുറയ്ക്കാൻ ഫലപ്രദമാണ്. കൂടാതെ വിഷമങ്ങൾ ഉള്ളിൽ ഒതുക്കാതെ വിശ്വസിക്കുന്ന ആളുകളുമായി പങ്കുവെക്കുന്നത് സമ്മർദ്ദം കുറയ്ക്കാൻ സഹായിക്കും.
