അടുക്കളയിലെ കൗണ്ടറിൽ പാത്രങ്ങളും മസാലക്കുപ്പികളും ഉപകരണങ്ങളും എണ്ണക്കുപ്പികളുമെല്ലാം നിറയുമ്പോൾ പാചകവും വൃത്തിയാക്കലും ബുദ്ധിമുട്ടാകാം. വലിയ ചെലവിൽ പുതിയ സ്റ്റോറേജ് സംവിധാനങ്ങൾ ഒരുക്കാതെ തന്നെ ചില ചെറിയ മാറ്റങ്ങളിലൂടെ കൗണ്ടർ കൂടുതൽ വൃത്തിയായി സൂക്ഷിക്കാം..കൗണ്ടറിലെ സാധനങ്ങൾ കുറയ്ക്കാനുള്ള എളുപ്പവഴികളിലൊന്ന് ചുമരിലെ ഒഴിഞ്ഞ ഇടം ഉപയോഗപ്പെടുത്തുകയാണ്. ചെറിയ വാൾ മൗണ്ടഡ് റാക്കോ ഹാങ്ങിങ് ഓർഗനൈസറോ സ്ഥാപിച്ച് മസാലക്കുപ്പികൾ, പാചക ഉപകരണങ്ങൾ, കപ്പുകൾ, കിച്ചൻ ടവലുകൾ തുടങ്ങിയവ സൂക്ഷിക്കാം..ഇതോടെ കൗണ്ടറിൽ കൂടുതൽ സ്ഥലം ലഭിക്കുകയും പതിവായി ഉപയോഗിക്കുന്ന സാധനങ്ങൾ എളുപ്പത്തിൽ എടുക്കാൻ സാധിക്കുകയും ചെയ്യും..മിക്സർ, കോഫി മേക്കർ, ഇലക്ട്രിക് കെറ്റിൽ, ടോസ്റ്റർ തുടങ്ങിയ ഉപകരണങ്ങൾ പല ഭാഗങ്ങളിലായി വയ്ക്കുന്നത് കൗണ്ടർ കൂടുതൽ നിറഞ്ഞതായി തോന്നാൻ ഇടയാക്കും. ദിവസവും ഉപയോഗിക്കുന്ന ഉപകരണങ്ങൾക്കായി ഒരു പ്രത്യേക ഭാഗം മാറ്റിവയ്ക്കാം. അപൂർവമായി മാത്രം ഉപയോഗിക്കുന്ന ഉപകരണങ്ങൾ കബോർഡിലേക്കോ മറ്റൊരു സ്റ്റോറേജ് ഇടത്തിലേക്കോ മാറ്റുന്നതും നല്ലതാണ്..കിച്ചൻ കൗണ്ടറിന്റെ കോണുകൾ പലപ്പോഴും പലതരം സാധനങ്ങൾ കൂട്ടിയിടുന്ന ഇടമായി മാറാറുണ്ട്. ചെറിയ കോർണർ ഷെൽഫ്, റൊട്ടേറ്റിങ് ഓർഗനൈസർ തുടങ്ങിയവ ഉപയോഗിച്ച് എണ്ണക്കുപ്പികൾ, ഉപ്പ്, കുരുമുളക്, സോസുകൾ, പതിവായി ഉപയോഗിക്കുന്ന മസാലകൾ എന്നിവ ഇവിടെ ക്രമീകരിക്കാം..സ്പൂൺ, സ്പാറ്റുല, കത്തി തുടങ്ങിയവ ഒരുമിച്ച് കുത്തിനിറച്ച ഡ്രോയറുകൾ ഉപയോഗിക്കാൻ ബുദ്ധിമുട്ടായിരിക്കും. വിവിധ വിഭാഗങ്ങളുള്ള ഡ്രോയർ ഓർഗനൈസറുകൾ ഉപയോഗിച്ച് ഓരോ സാധനത്തിനും പ്രത്യേക സ്ഥലം നൽകാം..ചെറിയ അടുക്കളകളിൽ ലംബമായ സ്റ്റോറേജ് കൂടുതൽ പ്രയോജനപ്പെടുത്തുന്നത് സ്ഥലം ലാഭിക്കാൻ സഹായിക്കും. അനുയോജ്യമായ പാത്രങ്ങൾ ഒന്നിന് മുകളിൽ മറ്റൊന്ന് അടുക്കിവയ്ക്കാം. കബോർഡിനുള്ളിൽ ടിയേഡ് ഷെൽഫുകളോ ഷെൽഫ് റൈസറുകളോ ഉപയോഗിച്ചാൽ ഒരേ സ്ഥലത്ത് കൂടുതൽ സാധനങ്ങൾ സൂക്ഷിക്കാനാകും..പാചകം ചെയ്യുമ്പോൾ ഏറ്റവും കൂടുതൽ തിരയേണ്ടിവരുന്ന സാധനങ്ങളിൽ ഒന്നാണ് മസാലക്കുപ്പികൾ. ഓരോ കുപ്പിയും ഓരോ ഭാഗത്ത് വയ്ക്കുന്നതിന് പകരം ഒരു ചെറിയ ട്രേയിലോ റാക്കിലോ ഒരുമിച്ച് ക്രമീകരിക്കാം..എണ്ണ, ഉപ്പ്, കുരുമുളക്, സോസ് തുടങ്ങിയ ദിവസവും ഉപയോഗിക്കുന്ന സാധനങ്ങൾക്കായി ഒരു ചെറിയ ട്രേ മാറ്റിവയ്ക്കാം. ഓരോ സാധനവും കൗണ്ടറിൽ പല ഭാഗങ്ങളിലായി കിടക്കുന്നതിന് പകരം ഒരിടത്ത് തന്നെ സൂക്ഷിക്കാൻ ഇതുവഴി സാധിക്കും. വൃത്തിയാക്കേണ്ട സമയത്ത് മുഴുവൻ സാധനങ്ങളും ഒരുമിച്ച് മാറ്റിവയ്ക്കാനും ട്രേ സഹായിക്കും..പുതിയ പാത്രമോ ഉപകരണമോ വാങ്ങുമ്പോൾ പഴയതിൽ എന്തെങ്കിലും ഒഴിവാക്കാനാകുമോ എന്ന് പരിശോധിക്കാം. ഒരേ ആവശ്യത്തിനുള്ള ഒന്നിലധികം സാധനങ്ങൾ അനാവശ്യമായി സൂക്ഷിക്കുന്നത് കൗണ്ടറിലും കബോർഡിലും തിരക്ക് കൂട്ടും. പുതിയൊന്ന് എത്തുമ്പോൾ ഉപയോഗിക്കാത്ത മറ്റൊന്ന് ഒഴിവാക്കുന്ന ശീലം ക്ലട്ടർ കുറയ്ക്കും..അടുക്കള എപ്പോഴും വൃത്തിയായി തോന്നാനുള്ള ഏറ്റവും ലളിതമായ മാർഗം ഉപയോഗിച്ച സാധനങ്ങൾ ഉടൻ തന്നെ അവയുടെ സ്ഥാനത്തേക്ക് തിരിച്ചുവയ്ക്കുകയാണ്. പാചകം കഴിഞ്ഞാൽ പാത്രങ്ങളും മസാലക്കുപ്പികളും ഉപകരണങ്ങളും കൗണ്ടറിൽ തന്നെ ഉപേക്ഷിക്കാതെ മാറ്റിവയ്ക്കുക..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
