ഫോൺ സ്റ്റോറേജ് പെട്ടെന്ന് നിറയുന്നുണ്ടോ? ആദ്യം ഈ കാര്യങ്ങൾ പരിശോധിക്കൂ

ഫോണിൽ ഫോട്ടോയും വീഡിയോയും അധികമില്ലെങ്കിലും സ്റ്റോറേജ് പെട്ടെന്ന് നിറയുന്നുണ്ടോ? പുതിയ ആപ്പ് ഇൻസ്റ്റാൾ ചെയ്യാനോ ഒരു വീഡിയോ ഡൗൺലോഡ് ചെയ്യാനോ കഴിയാത്ത അവസ്ഥ പലരെയും ബുദ്ധിമുട്ടിക്കാറുണ്ട്..എന്നാൽ ഗാലറിയിലെ ഫയലുകൾ മാത്രമല്ല ഫോണിന്റെ സ്റ്റോറേജ് ഉപയോഗിക്കുന്നത്. ആപ്പുകൾ, ഡൗൺലോഡുകൾ, കാഷെ തുടങ്ങിയവയും വലിയൊരു പങ്ക് കൈവശപ്പെടുത്താം..ഫോണിലെ ഏറ്റവും കൂടുതൽ സ്റ്റോറേജ് ഉപയോഗിക്കുന്നവയിൽ സാധാരണയായി വീഡിയോകളാണ് മുന്നിൽ. പ്രത്യേകിച്ച് ഉയർന്ന റെസല്യൂഷനിൽ റെക്കോർഡ് ചെയ്യുന്ന വീഡിയോകൾക്ക് വലുപ്പം കൂടുതലായിരിക്കും. ഒരിക്കൽ മാത്രം ഉപയോഗിച്ച വീഡിയോകളും സ്ക്രീൻ റെക്കോർഡിങ്ങുകളും പരിശോധിച്ച് ആവശ്യമില്ലാത്തവ ഡിലീറ്റ് ചെയ്യാം..വാട്സ്ആപ്പ് ഉൾപ്പെടെയുള്ള മെസേജിങ് ആപ്പുകളിൽ ലഭിക്കുന്ന ഫോട്ടോകൾ, വീഡിയോകൾ, ഡോക്യുമെന്റുകൾ എന്നിവ ഫോണിന്റെ സ്റ്റോറേജ് ഉപയോഗിക്കും. പലപ്പോഴും ഗാലറിയിൽ മാത്രം നോക്കിയാൽ ഇവയുടെ മുഴുവൻ വലുപ്പം മനസ്സിലാകണമെന്നില്ല..വാട്സ്ആപ്പ്ന്റെ സ്റ്റോറേജ് മാനേജ്മെന്റ് വിഭാഗത്തിൽ പോയി കൂടുതൽ സ്ഥലം ഉപയോഗിക്കുന്ന ചാറ്റുകളും ഫയലുകളും പരിശോധിക്കാം. ആവശ്യമില്ലാത്ത വലിയ ഫയലുകൾ നീക്കം ചെയ്യുന്നത് സ്റ്റോറേജ് വീണ്ടെടുക്കാൻ സഹായിക്കും..ബ്രൗസറിൽ നിന്ന് ഡൗൺലോഡ് ചെയ്ത പിഡിഎഫുകൾ, ചിത്രങ്ങൾ, വീഡിയോകൾ, സിപ്പ് ഫയലുകൾ തുടങ്ങിയവ പലപ്പോഴും ഫോൺ സ്റ്റോറേജിൽ തന്നെ കിടക്കും. ഒരിക്കൽ ഉപയോഗിച്ച ശേഷം അവ ഡിലീറ്റ് ചെയ്യാതെ പോകുന്നതാണ് സാധാരണ.നിരന്തരം ഉപയോഗിക്കുന്ന സോഷ്യൽ മീഡിയ, വീഡിയോ, ഷോപ്പിങ് ആപ്പുകൾ കാലക്രമേണ കാഷെ ഡാറ്റ സംഭരിക്കും. ചില ആപ്പുകൾക്ക് ഇത് ഗണ്യമായ സ്റ്റോറേജ് ഉപയോഗിക്കാം. ഫോണിലെ സ്റ്റോറേജ് വിഭാഗത്തിൽ ഏതൊക്കെ ആപ്പുകളാണ് കൂടുതൽ സ്ഥലം ഉപയോഗിക്കുന്നതെന്ന് പരിശോധിക്കുക..സ്റ്റോറേജ് സെറ്റിങ്സ് തുറന്ന് വലിയ ആപ്പുകൾ ഏതൊക്കെയാണെന്ന് നോക്കുക. ഉപയോഗിക്കാത്ത ആപ്പുകൾ ഒഴിവാക്കാം. അതുപോലെ ഇനി ആവശ്യമില്ലാത്ത ഓഫ്ലൈൻ സിനിമകൾ, പാട്ടുകൾ, പോഡ്കാസ്റ്റുകൾ തുടങ്ങിയവയും നീക്കം ചെയ്യാം..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates