താപനില ഉയരുകയും ദൈനംദിന ദിനചര്യകൾ മാറുകയും ചെയ്യുമ്പോൾ മൈഗ്രേൻ ബാധിതരായ പലരിലും തലവേദന സാധാരണയേക്കാൾ കൂടുതൽ തവണ വരികയും കൂടുതൽ തീവ്രമായി അനുഭവപ്പെടുകയും ചെയ്യുന്നു..മൈഗ്രേൻ എന്നത് വർഷം മുഴുവൻ നീണ്ടുനിൽക്കുന്ന ഒരു ന്യൂറോളജി അവസ്ഥയാണെങ്കിലും വേനൽക്കാലത്ത് ഇതിന് വ്യക്തമായ സീസണൽ പ്രവണതയുണ്ടെന്ന് വിദഗ്ധർ പറയുന്നു..വേനൽക്കാലം നേരിട്ട് മൈഗ്രേന് കാരണമാകുന്നില്ലെങ്കിലും രോഗലക്ഷണങ്ങളെ ഉത്തേജിപ്പിക്കുന്ന ഘടകങ്ങൾ ഈ സമയത്ത് സജീവമാകാറുണ്ടെന്നാണ് വിദഗ്ധർ പറയുന്നത്..ചിലകാര്യങ്ങൾ ശ്രദ്ധിക്കുകയാണെങ്കിൽ മൈഗ്രേൻ ഒരു പരിധിവരെ കുറയ്ക്കാൻ സാധിക്കും..വേനൽക്കാല മൈഗ്രേന് പിന്നിലെ ഏറ്റവും സാധാരണമായ കാരണങ്ങളിലൊന്ന് നിർജ്ജലീകരണമാണ്. ഉയർന്ന താപനിലയിൽ വിയർപ്പിലൂടെ ശരീരത്തിന് ദ്രാവകങ്ങൾ നഷ്ടപ്പെടുമ്പോൾ മൈഗ്രേൻ വരാനുള്ള സാധ്യത വർദ്ധിക്കുന്നു.അതിനാൽ ദിവസം മുഴുവൻ ധാരാളം വെള്ളം കുടിക്കുക..കഠിനമായ സൂര്യപ്രകാശം മൈഗ്രേൻ വർദ്ധിപ്പിക്കുന്ന പ്രധാന ഘടകങ്ങളാണ്. പ്രത്യേകിച്ച് ഉച്ചസമയത്ത് സംരക്ഷണമില്ലാതെ വെയിൽ ഏൽക്കുന്നത് മൈഗ്രേൻ അറ്റാക്കിനുള്ള സാധ്യത കൂട്ടുന്നു..വേനൽക്കാലത്ത് നേരിട്ട് വെയിൽ ഏൽക്കുന്നത് ഒഴിവാക്കുകയും പുറത്തിറങ്ങുമ്പോൾ സൺഗ്ലാസുകൾ ഉപയോഗിക്കുകയും ചെയ്യുക..വേനൽക്കാലം പലപ്പോഴും ദൈനംദിന ദിനചര്യകളിൽ മാറ്റം വരുത്തുന്നു. വൈകി ഉറങ്ങുക, ക്രമമല്ലാത്ത ഭക്ഷണസമയങ്ങൾ, യാത്രകൾ, ചൂട് മൂലമുണ്ടാകുന്ന തളർച്ച എന്നിവ മൈഗ്രേൻ രോഗികളെ സാരമായി ബാധിക്കാറുണ്ട്. അതിനാൽ കൃത്യമായ ഉറക്കം ഉറപ്പുവരുത്തുക..ഭക്ഷണം ഒഴിവാക്കുന്നതും ശരിയായ ഉറക്കം ലഭിക്കാത്തതും ശാരീരികമായ അമിത അധ്വാനവും മറ്റ് ഘടകങ്ങൾക്കൊപ്പം ചേരുമ്പോൾ മൈഗ്രേൻ കൂടുതൽ കഠിനമാകുന്നു. ഭക്ഷണസമയങ്ങൾ കൃത്യമായി പാലിക്കുന്നത് മൈഗ്രേയിൻ കൂടുന്നത് തടയും..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
