കൊങ്കൺ റെയിൽപാതയിൽ ( konkan railway ) വേഗ നിയന്ത്രണം ഏർപ്പെടുത്തിക്കൊണ്ടുള്ള മൺസൂൺ ടൈംടേബിൾ ജൂൺ 15ന് നിലവിൽ വരും.പതിവിലും 15 ദിവസം കുറച്ചാണ് ഇത്തവണ കൊങ്കൺ വഴിയുള്ള മൺസൂൺ ടൈംടേബിൾ നടപ്പാക്കുന്നത്.സാധാരണ ജൂൺ 10 മുതൽ ഒക്ടോബർ 31 വരെയായിരുന്നു. ഇത്തവണ ജൂൺ 15 മുതൽ ഒക്ടോബർ 20 വരെയാണ് നിയന്ത്രണം.വേഗനിയന്ത്രണം മൂലം കേരളത്തിൽ നിന്ന് വിവിധ സംസ്ഥാനങ്ങളിലേക്കും തിരിച്ചുമുള്ള ട്രെയിനുകളുടെ സമയത്തിലും മാറ്റമുണ്ടാകും.റോഹ–വീർ സെക്ഷനിൽ (47 കിലോമീറ്റർ) മണിക്കൂറിൽ 120 കിലോമീറ്റർ വരെ വേഗത്തിൽ സഞ്ചരിക്കും.വീർ–കങ്കാവ്ലി സെക്ഷനിൽ (245 കി.മീ) ഇത് 75 കിലോമീറ്ററായി പരിമിതിപ്പെടുത്തിയിട്ടുണ്ട്.കങ്കാവ്ലി–ഉഡുപ്പി സെക്ഷനിൽ (377 കി.മീ) 90 കിലോമീറ്ററാണ് പരമാവധി വേഗം നിശ്ചയിച്ചിട്ടുള്ളത്.പ്രതികൂല കാലാവസ്ഥ മൂലം കാഴ്ചാപ്രശ്നമുള്ള മേഖലകളിൽ 40 കിലോമീറ്റർ വേഗത്തിലേ സഞ്ചരിക്കാവൂ എന്ന് ലോക്കോ പൈലറ്റുമാർക്ക് നിർദേശം നൽകിയിട്ടുണ്ട്.പരിശീലനം ലഭിച്ച 636 പേരെ മേഖലയിൽ 24 മണിക്കൂറും പട്രോളിംഗിനായി വിന്യസിച്ചതായി അധികൃതർ വ്യക്തമാക്കി.Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
