ടെസ്റ്റ് സെഞ്ച്വറി റെക്കോർഡിൽ ഇതിഹാസ താരം സച്ചിൻ ടെണ്ടുൽക്കറെ മറികടന്നും രണ്ടാമനായും യശസ്വി ജയ്സ്വാൾ..വെസ്റ്റ് ഇൻഡീസിനെതിരായ രണ്ടാം ക്രിക്കറ്റ് ടെസ്റ്റിൽ കിടിലൻ സെഞ്ച്വറിയുമായാണ് താരം നേട്ടം തൊട്ടത്..ടെസ്റ്റിൽ യശസ്വി നേടുന്ന ഏഴാമത്തെ സെഞ്ച്വറിയാണിത്. താരം 175 റൺസാണ് അടിച്ചത്..24 വയസിൽ എത്തും മുൻപ് ഏഴോ അതിൽ കൂടുതലോ ടെസ്റ്റ് സെഞ്ച്വറികൾ നേടുന്ന രണ്ടാമത്തെ ഇന്ത്യൻ താരമായി യശസ്വി മാറി..11 സെഞ്ച്വറികളുമായി സച്ചിൻ ഈ നേട്ടത്തിൽ മുന്നിൽ നിൽക്കുന്നു..24 വയസെത്തും മുൻപ് ടെസ്റ്റിൽ അഞ്ച് തവണ 150, അതിനു മുകളിൽ സ്കോറുകൾ നേടുന്ന ആദ്യ ഇന്ത്യൻ താരമായി യശസ്വി മാറി..സച്ചിൻ നാല് തവണയാണ് 150, അതിനു മുകളിൽ സ്കോർ ചെയ്തത്. ഈ റെക്കോർഡാണ് യശസ്വി തിരുത്തിയത്..ലോക ക്രിക്കറ്റിൽ ഈ സവിശേഷ റെക്കോർഡ് സാക്ഷാൽ ഡോൺ ബ്രാഡ്മാന്റെ പേരിലാണ്. അദ്ദേഹം 8 തവണയാണ് 150, അതിനു മുകളിൽ സ്കോർ ചെയ്തത്..Subscribe to our Newsletter to stay connected with the world around youFollow Samakalika Malayalam channel on WhatsApp Download the Samakalika Malayalam App to follow the latest news updates
